فوتو: تجم رجقج باسپاسٶز قىزمەتٸ
الماتىدا قۇتقارۋشىلار ەتتارتقىشتان ەر ادامنىڭ قولىن الىپ شىقتى, - دەپ حابارلايدى "ۇلت اقپارات" تجم رجقج باسپاسٶز قىزمەتٸنە سٸلتەمە جاساپ.
42 جاستاعى ەر ادام كوتلەت شىعاراتىن تسەحتا جۇمىس ٸستەگەن. ول ەتتارتقىشقا ەت سالىپ جاتقاندا قولى قىسىلىپ قالعان. اپپارات ٷزدٸكسٸز جۇمىس ٸستەگەندٸكتەن, ەر ادام قولىن تارتىپ ٷلگەرە الماعان.
"2023 جىلدىڭ 26 قاڭتارىندا قۇتقارۋشىلاردىڭ كەزەكشٸ بٶلٸمٸنە وسى جاعداي تۋرالى حابارلاما كەلٸپ تٷستٸ. قۇرامىندا 7 قۇتقارۋشى بار جەدەل توپ دەرەۋ جولعا شىقتى. وقيعا ورنىنا جەتكەن قۇتقارۋشىلار ەر ادامنىڭ قولىن ەتتارتقىشتان شىعارۋعا كٸرٸستٸ. پسيحولوگ-قۇتقارۋشى پسيحولوگييالىق كٶمەك كٶرسەتتٸ. قۇتقارۋ وپەراتسيياسى اياقتالعاننان كەيٸن زارداپ شەگۋشٸ جەدەل جەردەم قىزمەتٸنە جٸبەرٸلدٸ", - دەلٸنگەن حابارلامادا.
