كوللەدجدەردە وقۋ مەرزٸمٸ قىسقارتىلادى. بۇل تۋرالى بٷگٸن ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«تەحنيكالىق جەنە كەسٸپتٸك بٸلٸم بەرۋ سالاسىندا بارلىق جاسقا قاجەتتٸ ماماندىقتار بويىنشا كوللەدجدەردە تەگٸن وقۋعا مٷمكٸندٸك بەرٸلەدٸ. 2017 جىلدان بەرٸ تەگٸن تەحنيكالىق بٸلٸم بەرۋمەن قامتۋ ۇلعايدى. بٸراق ەلٸ دە 50 مىڭعا جۋىق ستۋدەنت اقىلى بٶلٸمگە وقۋعا تٷسەدٸ. وسىعان وراي 2025 جىلعا دەيٸن جاستاردى كەزەڭ-كەزەڭمەن 100%-عا دەيٸن تەحنيكالىق بٸلٸممەن قامتۋ جوسپارلانۋدا. ول ٷشٸن مەملەكەتتٸك تاپسىرىس كٶلەمٸ 50 مىڭعا دەيٸن كەزەڭ-كەزەڭمەن ۇلعاياتىن بولادى», - دەدٸ مينيستر.
ونىڭ اتاپ ٶتۋٸنشە, كوللەدجدەرگە اكادەمييالىق دەربەستٸكتٸ ەنگٸزۋ بويىنشا جۇمىس قولعا الىندى.
بٷگٸنگٸ كٷنٸ زاڭنامالىق دەڭگەيدە ۋەكٸلەتتٸ ورگاننىڭ كوللەدجدەردە وقۋ مەرزٸمدەرٸن بەلگٸلەۋٸ تۋرالى نورما الىپ تاستالدى.
«9-سىنىپ نەگٸزٸندە كوللەدجگە تٷسكەندەر ٷشٸن وقۋ مەرزٸمٸن ٷش جارىم جىلدان 2 جىلعا دەيٸن جەنە 11-سىنىپ نەگٸزٸندە ەكٸ جارىم جىلدان 1,5 جىلعا دەيٸن قىسقارتۋ جوسپارلانۋدا. بۇل نارىققا كادرلاردى دايارلاۋ مەرزٸمٸن قىسقارتىپ, ونىڭ ساپاسىن ارتتىرىپ, بٸلٸم باعدارلامالارىن جاڭارتۋعا مٷمكٸندٸك بەرەدٸ», - دەدٸ اسحات ايماعامبەتوۆ.
سونىمەن قاتار ول «جاس مامان» جوباسى اياسىندا 180 كوللەدجدٸڭ ينفراقۇرىلىمىن جاڭعىرتۋ بيىل اياقتالاتىندىعىن ايتتى.
«جوبانىڭ قورىتىندىسى بويىنشا ەربٸر ٶڭٸردە دامىعان ماتەريالدىق-تەحنيكالىق بازاسى, جاڭا وقۋ جوسپارلارى مەن باعدارلامالارى بار كەمٸندە 7 زاماناۋي كوللەدج جۇمىس ٸستەيتٸن بولادى. جەرگٸلٸكتٸ اتقارۋشى ورگاندارمەن بٸرلەسٸپ, كوللەدجدەردٸ سەنٸمگەرلٸك باسقارۋ تەتٸگٸن دامىتۋدامىز. وسى جۇمىس ەرٸ قاراي جالعاسادى», - دەدٸ مينيستر.
