گەرمانييادا 17 جىل بويى ەڭبەككە جارامسىزدىق پاراعىندا بولىپ, وسى ۋاقىت ٸشٸندە تولىق جالاقى العان كوللەدج وقىتۋشىسىنىڭ ٸسٸ ەلدە ٷلكەن قوعامدىق رەزونانس تۋعىزدى. وسى وقيعادان كەيٸن سولتٷستٸك رەين – ۆەستفالييا جەرٸنٸڭ پارلامەنتٸ مەملەكەتتٸك قىزمەتكەرلەرگە قاتىستى زاڭنامانى قاتاڭداتاتىن جاڭا زاڭ جوباسىن قاراستىرىپ جاتىر.
جاڭا قۇجات قابىلدانسا, مەملەكەتتٸك قىزمەتكەرلەردٸ مٸندەتتٸ مەديتسينالىق تەكسەرۋگە جەدەل جٸبەرۋگە جەنە تەكسەرۋدەن جالتارعاندارعا تٶلەنەتٸن جالاقى مەن ەلەۋمەتتٸك تٶلەمدەردٸ توقتاتۋعا مٷمكٸندٸك بەرٸلەدٸ.
17 جىل ساباق ٶتكٸزبەگەن
Der Spiegel باسىلىمىنىڭ مەلٸمەتٸنشە, ۆەسەل قالاسىنداعى كوللەدج وقىتۋشىسى 2009 جىلدىڭ تامىز ايىنان بەرٸ بٸردە-بٸر ساباق ٶتكٸزبەگەن. سوعان قاراماستان, ول 17 جىل بويى ەڭبەككە جارامسىزدىققا بايلانىستى تولىق كٶلەمدە جالاقى الىپ كەلگەن.
باسىلىمنىڭ جازۋىنشا, وسى ۋاقىت ٸشٸندە ەيەل ادام ٶزٸنٸڭ دەنساۋلىق جاعدايىن رەسمي تەكسەرۋدەن ٶتكٸزۋ ٷشٸن دەرٸگەردٸڭ قابىلداۋىنا بارماعان.
الاياقتىق بويىنشا قىلمىستىق ٸس قوزعالدى
بۇل جاعداي 2025 جىلى بۇقارالىق اقپارات قۇرالدارىندا جارييالانعاننان كەيٸن ديۋسسەلدورفتىڭ ايماقتىق بيلٸگٸ تەرتٸپتٸك تەرگەۋ باستاعان.
سونىمەن قاتار دۋيسبۋرگ پروكۋراتۋراسى الاياقتىق فاكتٸسٸ بويىنشا قىلمىستىق ٸس قوزعادى. تەرگەۋ نۇسقاسىنا سەيكەس, ەيەل ادام ەڭبەككە جارامسىزدىق پاراعىندا جٷرگەنٸنە قاراماستان, 2012 جىلدان بەرٸ گومەوپات رەتٸندە جۇمىس ٸستەگەن بولۋى مٷمكٸن.
دەنساۋلىق جاعدايىنا بايلانىستى زەينەتكە جٸبەرۋ تۋرالى شەشٸمگە قارسى شىقتى
بيىل مامىر ايىندا وقىتۋشى مەديتسينالىق تەكسەرۋدەن, ونىڭ ٸشٸندە پسيحياترييالىق ساراپتامادان ٶتكەن.
تەكسەرۋ قورىتىندىسى نەگٸزٸندە ديۋسسەلدورفتىڭ ايماقتىق ەكٸمشٸلٸگٸ ونى دەنساۋلىق جاعدايىنا بايلانىستى مەرزٸمٸنەن بۇرىن زەينەتكە شىعارۋ تۋرالى شەشٸم قابىلداعان.
الايدا ەيەل بۇل شەشٸممەن كەلٸسپەي, سوتقا شاعىم تٷسٸرگەن. سوندىقتان ٸس بويىنشا سوت پروتسەسٸ تاعى بٸرنەشە اپتاعا نەمەسە بٸرنەشە ايعا سوزىلۋى مٷمكٸن.
زاڭنامانى كٷشەيتۋ ۇسىنىلدى
سولتٷستٸك رەين – ۆەستفالييا لاندتاگىندا قارالىپ جاتقان زاڭ جوباسى دەل وسىنداي جاعدايلاردىڭ قايتالانۋىنا جول بەرمەۋدٸ كٶزدەيدٸ.
«جاسىلدار» پارتيياسىنىڭ دەپۋتاتى سيمون روكتىڭ ايتۋىنشا, جاڭا تەرتٸپ مەملەكەتتٸك قىزمەت جٷيەسٸنە دەگەن سەنٸمدٸ كٷشەيتٸپ, جەكەلەگەن زاڭ بۇزۋشىلىقتاردىڭ ادال ەڭبەك ەتٸپ جٷرگەن مىڭداعان مەملەكەتتٸك قىزمەتكەردٸڭ بەدەلٸنە نۇقسان كەلتٸرۋٸنە جول بەرمەۋٸ تيٸس.
ەگەر زاڭ قابىلدانسا, مەملەكەتتٸك قىزمەتكەرلەر مەديتسينالىق تەكسەرۋدەن جالتارعان جاعدايدا بيلٸك ولاردىڭ جالاقىسى مەن باسقا دا تٶلەمدەرٸن ۋاقىتشا توقتاتا الاتىن بولادى. بۇل گەرمانيياداعى مەملەكەتتٸك قىزمەت سالاسىنداعى باقىلاۋدى كٷشەيتۋگە باعىتتالعان ماڭىزدى ٶزگەرٸستەردٸڭ بٸرٸ بولۋى مٷمكٸن.
