فوتو:depositphotos.com
ەدٸلەت ۆيتسە-مينيسترٸ بوتاگٶز جاقسەلەكوۆا بۇل نورمانى ٶزگەرتۋ ٷشٸن قانداي زاڭنامالىق ەرەكەتتەر قاجەت ەكەنٸن تٷسٸندٸردٸ, دەپ حابارلايدى Ult.kz.
ونىڭ ايتۋىنشا, ەكٸمشٸلٸك قۇقىق بۇزۋشىلىق تۋرالى كودەكسكە (ەقبتك) ەنگٸزٸلەتٸن ٶزگەرٸستەر مەن تولىقتىرۋلار تيٸستٸ ۆەدومستۆوارالىق كوميسسييانىڭ قاراۋىنان ٶتەدٸ. كوميسسييا قۇرامىنا شامامەن ون مەملەكەتتٸك ورگان كٸرەدٸ, ال مەسەلە بەلگٸلٸ بٸر سالاعا قاتىستى بولسا, باسقا مٷددەلٸ تاراپتاردىڭ قاتىسۋىنا شەكتەۋ قويىلمايدى.
"كوميسسييا قۇرامىنا تەك مٷددەلٸ مەملەكەتتٸك ورگاندار عانا ەمەس, پارلامەنت دەپۋتاتتارى مەن عىلىمي قاۋىمداستىق ٶكٸلدەرٸ دە كٸرەدٸ. سەبەبٸ ٶزگەرٸستەر ەنگٸزۋ, ەسٸرەسە, ديسپوزيتسييا مەن سانكتسييا تۇرعىسىنان, ٶتە مۇقييات ەرٸ تەڭگەرٸمدٸ تٷردە جاسالۋى قاجەت. ەگەر وسى تاقىرىپ بويىنشا دەپۋتاتتىق ساۋال قويىلسا, مەسەلە تالقىلاۋعا شىعارىلىپ, قارالادى. ونىڭ نەتيجەلەرٸ بويىنشا قوسىمشا حابارلانادى دەپ ويلايمىن", – دەدٸ بوتاگٶز جاقسەلەكوۆا سەنات كۋلۋارىندا.
بۇل تاقىرىپ قوعامدا ٷلكەن تالقىعا تٷسكەن ەدٸ. مەجٸلٸس دەپۋتاتى سەرٸك ەرۋباەۆ سۋىق مەزگٸلدە كٶلٸكتٸ قىزدىرۋ مەرزٸمٸنە قاتىستى نورمانى قايتا قاراۋدى ۇسىنعان. الايدا ٸشكٸ ٸستەر مينيسترٸنٸڭ ورىنباسارى مارات قوجاەۆ, بۇل تالاپ بۇرىننان بار جەنە ونىڭ ماقساتى – ەكولوگييالىق ستاندارتتاردى ساقتاۋ دەپ تٷسٸندٸرگەن.
جاقىندا پەتروپاۆل قالاسىندا جٷرگٸزۋشٸگە كٶلٸكتٸ بەس مينۋتتان ارتىق قىزدىرعانى ٷشٸن 5 اەك مٶلشەرٸندە ايىپپۇل سالىنعان وقيعا قىزۋ پٸكٸرتالاس تۋدىردى. جٷرگٸزۋشٸگە كٶرشٸلەرٸنٸڭ شاعىمىنان كەيٸن ايىپپۇل كەلگەنٸ بەلگٸلٸ بولدى, ەندٸ ول 5 اەك (19 660 تەڭگە) تٶلەۋگە مەجبٷر بولادى.
