ٸلە الاتاۋى ۇلتتىق پاركٸ اۋماعىنداعى 5 جەر ۋچاسكەسٸ جالعا بەرۋ ٷشٸن تەندەرگە قويىلدى, دەپ حابارلايدى قازاقپارات تٸلشٸسٸ.
كەشە تەندەرلٸك كوميسسييا كونۆەرتتٸ اشتى. ەندٸ تەندەرلٸك كوميسسييا 15 كٷن ٸشٸندە بۇل قۇجاتتاردى قاراپ, جەر ۋچاسكەلەرٸن قىسقا جەنە ۇزاق مەرزٸمگە جالعا بەرۋ تۋرالى شەشٸم شىعارادى. قازاقستان زاڭناماسىنا سەيكەس جەردٸ ەڭ ازى - 5 جىلعا, ەڭ كٶبٸ 49 جىلعا جالعا بەرۋگە بولادى. تەندەر قۇجاتتاماسىندا كٶرسەتٸلگەندەي, بۇل جەردە ەڭگٸمە 49 جىلعا جالعا بەرۋ تۋرالى بولىپ وتىر.
«قازاقستاندا ەرەكشە قورعالاتىن تابيعي اۋماقتاردى قورعاۋ تۋرالى زاڭنىڭ 46-بابىنىڭ 3-تارماعىنا سەيكەس تۋريستٸك جەنە رەكرەاتسييالىق قىزمەتتەردٸ جٷزەگە اسىرۋ مەملەكەتتٸك تابيعي پاركٸنٸڭ ينفراقۇرىلىمىن دامىتۋ تۋرالى باس جوسپارىنا سەيكەس ورىندالادى. ۇلتتىق پاركتٸڭ باس جوسپارى 2019 جىلدىڭ 3 قاڭتارىندا ۋەكٸلەتتٸ ورگان - قر اۋىلشارۋاشىلىعى مينيسترلٸگٸ, ورمان شارۋاشىلىعى جانۋارلار دٷنيەسٸ كوميتەتٸنٸڭ №17-5-6/1 بۇيرىعىمەن بەكٸتٸلدٸ. باس جوسپار نەگٸزٸندە جەر ۋچاسكەلەرٸن قىسقا جەنە ۇزاق مەرزٸمگە جالعا بەرۋ ورام, تەلٸم بويىنشا كٶرسەتٸلەدٸ. بولاشاقتا وسى جەرلەردٸ قىسقا جەنە ۇزاق مەرزٸمگە جالعا بەرۋگە بولادى دەپ بەكٸتٸلگەن. باس جوسپاردا تۋريزمدٸ دامىتۋ ماقساتىندا 126 ۋچاسكەنٸ - ۇزاق مەرزٸمگە, 66 ۋچاسكەنٸ قىسقا مەرزٸمگە جالعا بەرۋ جوسپارلانعان. بٸزدٸڭ پارك ۋەكٸلەتتٸ ورگانعا تەندەر ٶتكٸزۋگە رۇقسات بەرۋ تۋرالى حات جازدى. 2019 جىلى 26 اقپاندا ۋەكٸلەتتٸ ورگان وسى ۋچاسكەلەرگە تەندەر ٶتكٸزۋ تۋرالى رۇقسات بەردٸ. بٸر اي بۇرىن پارك باسشىلىعى باسىلىم بەتتەرٸندە تەندەر تۋرالى رەسمي تٷردە جارييالادى», - دەدٸ ٸلە الاتاۋى ۇلتتىق پاركٸ ديرەكتورىنىڭ ورىنباسارى دارحان يسابەكوۆ.
پاركتٸڭ باس ديرەكتورىنىڭ بۇيرىعىمەن كٶكجايلاۋ جوباسىنا سەيكەس 134,4 گا جەر بويىنشا 4 لوتقا كوميسسييا جٷرگٸزٸلدٸ. تەندەرگە تەك بٸر عانا زاڭدى تۇلعا - قالالىق تۋريزم باسقارماسى عانا قاتىستى. بٸرٸنشٸ كەزەڭدە تەندەرلٸك كوميسسييا تەندەر قۇجاتتارىنىڭ زاڭدىلىعىن تەكسەردٸ.
تەندەر نەتيجەسٸ 15 كٷننەن سوڭ بەلگٸلٸ بولادى. كوميسسييا ٶزٸنٸڭ قورىتىندىسىن شىعارادى. تەندەر سەتتٸ ٶتكەن سوڭ دا قۇرىلىس بٸردەن باستالمايدى.
«بٸر جىلدان سوڭ عانا جوبالىق-سمەتالىق قۇجاتتاما جاسالادى. سوسىن بارىپ ول ۋەكٸلەتتٸ ورگاننان ٶتەدٸ. بۇل قۇجاتتار سەۋلەت باسقارماسىنان, ەكولوگييالىق, مەملەكەتتٸك ساراپتامادان ٶتەدٸ. بٸز ۇلتتىق پارك ۋەكٸلەتتٸ ورگانمەن بٸرٸگە وتىرىپ, رۇقسات بەرەمٸز. ولار 3 جىل ٸشٸندە نىساندى سالىپ بٸتۋٸ كەرەك», - دەدٸ دارحان يسابەكوۆ.
ونىڭ ايتۋىنشا, قازٸر پاركتٸڭ تۋريستٸك پوتەنتسيالىن ارتتىرۋعا كٶمەك قاجەت. پاركتٸڭ دامۋىنا مەملەكەت ەشقانداي قاراجات بٶلمەيدٸ. ال سالىناتىن نىساننان تابيعاتقا كٶپ نۇقسان كەلمەيدٸ.
«ەگەر ول جەردە قىزىل كٸتاپ ٶسٸمدٸكتەرٸ ٶسەتٸن بولسا, رەسۋرستىق تەكسەرۋ جٷرگٸزٸلەدٸ. بەرٸ زاڭعا ساي جاسالادى. ونداي اعاشتى كەسۋ ٷشٸن دە ٷكٸمەت قاۋلىسى كەرەك. قاۋلى شىققان سوڭ عانا اعاشتى كەسە الادى. جوبانىڭ ارقاسىندا كٶكجايلاۋعا كٸرەتٸن جول جاسالادى. مۇنىڭ الدىندا 6 مەترگە كەڭەيتٸلەدٸ دەگەن ەدٸ. ەندٸ ولاي ەمەس, تەك شۇڭقىرلارى جٶندەلەدٸ», - دەدٸ د.يسابەكوۆ.
