بولات ٶتەمۇراتوۆتىڭ قورى كٶكتەمگٸ سۋ تاسقىنىنان زارداپ شەككەن قازاقستاندىقتارعا اقشالاي كٶمەك بەرەدٸ, دەپ حابارلايدى "ۇلت اقپارات".
بۇل تۋرالى قايىرىمدىلىق قورىنىڭ ديرەكتورى مارات ايتماعامبەتوۆ ورتالىق كوممۋنيكاتسييالار قىزمەتٸندەگٸ بريفينگتە ايتىپ بەردٸ.
«كٶمەك كارتاسى» جوباسى 2018 جىلى باستالعان. بٸزدٸڭ قور كٶكتەمگٸ سۋ تاسقىنىنان, تەحنوگەندٸ اپاتتاردان زارداپ شەككەن ٶڭٸر تۇرعىندارىنا قاراجات بٶلەدٸ. مۇندا قىزىل جارتى اي ۇيىمى كٶمەككە مۇقتاجداردى انىقتايدى جەنە Fortebank ٶز كارتالارى ارقىلى اقشا اۋدارىمىن قامتاماسىز ەتەدٸ. ەربٸر زارداپ شەككەن تۇرعىنعا 30 مىڭ تەڭگەدەن بەرٸلەدٸ. ەرينە, ەڭ الدىمەن باسپاناسى قيراعاندار, جالعىزباستى زەينەتكەرلەر, مٷگەدەكتەر, جالعىزباستى انالار, كٶپبالالى, از قامتىلعان جانۇيالار نازارعا الىنادى», - دەدٸ م. ايتماعامبەتوۆ.
ونىڭ ايتۋىنشا, تٶتەنشە جاعدايدا گۋمانيتارلىق كٶمەك كٶرسەتەتٸن ۇيىمدار جەتەرلٸك. ولار ازىق-تٷلٸكپەن جەنە قاجەتتٸ كيٸم-كەشەكتەرمەن قامتاماسىز ەتەدٸ.
«بٸز ٶز كەزەگٸمٸزدە زارداپ شەككەندەرگە اقشالاي كٶمەك كٶرسەتۋدٸ ۇيعاردىق. بۇل قارجىعا قاجەتتٸ زاتتار, دەرٸ-دەرمەك, قۇرىلىس ماتەريالدارىن الۋعا بولادى. گۋمانيتارلىق كٶمەكتٸ, جٷكتٸ تاسىمالداۋدىڭ ٶز شىعىندارى بار. ال تٸكەلەي قارجىلاي كٶمەك اۋدارۋ ٶتە تيٸمدٸ. قاراجاتتى قازاقستاننىڭ كەز كەلگەن نٷكتەسٸنە جىلدام جٸبەرۋگە بولادى», - دەدٸ قور ديرەكتورى.
2018 جىلى «كٶمەك كارتاسى» جوباسى ارقىلى شىعىس قازاقستان وبىلسىنداعى 863 وتباسى 82 ملن تەڭگە كٶمەك العان. 2019 جىلى 114 ملن تەڭگە اقشالاي كٶمەك قاراعاندى, اقمولا, سولتٷستٸك قازاقستان, الماتى وبلىستارى مەن ارىس قالاسىنداعى 764 وتباسىنا كٶرسەتٸلگەن.
