بۇل فوتولاردىڭ اۆتورلارى ەرتٷرلٸ. سەبەبٸ مۇندا بٸرنەشە ەلدەن جينالعان تٷرلٸ فوتو بار. بٸرەۋلەر مەرەكەنٸ تويلاۋ بارىسىندا تۇشپارا تٷيٸپ جاتسا, ەكٸنشٸسٸ ارىستاندار بيٸن بيلەۋدە. بٸرەۋلەر باتپىرۋىقپەن ويناسا, تاعى بٸرەۋلەر وتشاشۋ ۇيىمداستىرىپ جاتىر.
بيىل قىتاي جاڭا جىلى 2 اقپاندا باستالادى. وسى ايرىقشا كٷنگە وراي قىتاي حالىق رەسپۋبليكاسىنىڭ ەلشٸلٸگٸ مەن قازاقستاننىڭ ۇلتتىق مۋزەيٸ بٸرلەسە «كٶكتەم مەرەكەسٸ» فوتوكٶرمەسٸن ۇيىمداستىردى.
ۇلتتىق مۋزەي ديرەكتورىنىڭ ورىنباسارى اباي ساتىبالديننٸڭ ايتۋىنشا, ەلشٸلٸك پەن ۇلتتىق مۋزەي ٶتكەن جىلدا 6 فوتوكٶرمە ۇيىمداستىرعان. 2019 جىلداعى ەلشٸلٸكتٸڭ العاشقى كٶرمەسٸ شىعىس كٷنتٸزبەسٸ بويىنشا قىتايلىقتاردىڭ جاڭا جىل – كٶكتەم مەرەكەسٸنە ارنالدى.
«ۇلتتىق مۋزەي وسى ۋاقىتقا دەيٸن قىتاي ەلشٸلٸگٸمەن بٸرلەسٸپ, بٸرنەشە شارا اتقاردى. بىلتىرعى جىلدىڭ ٶزٸندە 6 بٶلٸمنەن تۇراتىن «تاڭعاجايىپ قىتاي» فوتوكٶرمەسٸ ۇيىمداستىرىلدى. مٸنە, بٷگٸندە قىستىڭ قاق ورتاسىندا تۇرىپ, كٶكتەم تۋرالى ايتۋ قىزىق ەرٸ ساعىنىش سەزٸمٸن وياتادى. بۇل – تابيعات مەرەكەسٸ. قىتايلىقتار كٶكتەم مەن قىس كەزدەسكەن كەزدە ەسكٸنٸ شىعارىپ سالىپ, جاڭانى قارسى الادى. تابيعات انانىڭ بەرەتٸن سىيىنا العىس ايتادى ەكەن. ياعني كٶكتەم مەرەكەسٸ قىتاي ٶركەنيەتٸ مەن تابيعاتى اراسىنداعى تىعىز بايلانىستى كٶرسەتەدٸ. بٷگٸنگٸ كٶرمە ناق وسى تاقىرىپقا ارنالعان. وسى ورايدا, بٸزدٸڭ ەلشٸلٸكپەن مۋزەي, مەدەني ىنتىماقتاستىعىمىز ەرٸ قاراي جالعاسادى دەگەن ٷمٸتتەنەمٸن», - دەدٸ ديرەكتوردىڭ ورىنباسارى كٶرمەنٸڭ اشىلۋىندا.
قىتاي حالىق رەسپۋبليكاسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ چجان سياونىڭ ايتۋىنشا, قىتايلىقتاردىڭ جاڭا جىل مەرەكەسٸ – چۋن تسزەنٸڭ تٶرت مىڭ جىلدىق تاريحى بار.
«بٷگٸنگٸ كٶرمەمٸز قىتاي جاڭا جىلى چۋن تسزەگە – كٶكتەم مەرەكەسٸنە ارنالادى. قىتايدا چۋن تسزەنٸڭ تٶرت مىڭ جىلدان استام تاريحى بار. بۇل مەرەكە – قىتايلىقتار ٷشٸن ەڭ ەرەكشە, كٶڭٸلدٸ, سٷيٸكتٸ, سالتاناتتى مەيرامدارىنىڭ بٸرٸ. جاي مەرەكە عانا ەمەس, ۇلتتىق مەدەنيەتتٸڭ بٸر بٶلشەگٸ. چۋن تسزەمەن بايلانىستى تٷرلٸ اڭىز بار. ال بٷگٸنگٸ كٶرمەمٸز – ەلەم ەلدەرٸنٸڭ «كٶكتەم مەرەكەسٸن» قالاي اتاپ ٶتەتٸنٸن باياندايتىن ەرەكشە كٶرمە», - دەپ تٷسٸندٸردٸ كٶرمەنٸڭ مەنٸن ەلشٸ.
