كٶكشەتاۋدا بەس قاباتتى تۇرعىن ٷيدە گاز-اۋا قوسپاسىنىڭ جارىلۋى سالدارىنان زارداپ شەككەن ادامنىڭ جاعدايىن دەرٸگەرلەر ورتاشا اۋىرلىق دەرەجەسٸ رەتٸندە باعالايدى, دەپ حابارلايدى قازاقپارات.
اقمولا وبلىستىق كٶپبەيٸندٸ اۋرۋحاناسى ديرەكتورىنىڭ ورىنباسارى دميتريي چايكوۆتىڭ ايتۋىنشا, اۋرۋحاناعا جارىلىستان كەيٸن كٷيٸك شالعان ەيەل تٷسكەن.
«ونىڭ جاعدايى ورتاشا اۋىرلىقتا. دەنەسٸنٸڭ 20 پايىزىن (اياقتارىن) كٷيٸك شالعان. ول ەسٸن بٸلەدٸ, جاعدايى تۇراقتى, جالپى پالاتاعا جاتقىزىلدى. ناۋقاس بارلىق قاجەتتٸ ەمدٸ تولىق كٶلەمدە الۋدا», - دەدٸ د.چايكوۆ.
ال, ەكٸنشٸ زارداپ شەگۋشٸ اۋرۋحاناعا جاتقىزىلعان جوق.
