قۇتقارۋشىلار كٷنٸ قارساڭىندا كٶكشەتاۋ قالاسىندا كٶپقاباتتى تۇرعىن ٷيدٸڭ قاسبەتٸنە قازاقستاندىق قۇتقارۋشىلارعا ارنالعان ارت-نىسان سالىندى, دەپ حابارلايدى قازاقپارات وبلىستىق ٸشكٸ ساياسات باسقارماسىنا سٸلتەمە جاساپ.
جامبىل وبلىسىندا وق-دەرٸ قويماسىندا ورىن العان ٶرت پەن جارىلىستى جويۋ كەزٸندە قازا تاپقان تٷركٸستان وبلىسى تٶتەنشە جاعدايلار دەپارتامەنتٸنٸڭ ٶرت سٶندٸرۋ جەنە ازاماتتىق قورعاۋ جٷيەسٸ قىزمەتٸ باستىعىنىڭ ورىنباسارى, پولكوۆنيك مەيٸرجان ايمانوۆ بەينەلەنگەن مۋرال ابىلاي حان داڭعىلىنداعى 9 قاباتتى تۇرعىن ٷيدٸڭ قاسبەتٸندە سالىندى.
باتىر-قۇتقارۋشىنىڭ پورترەتٸن تٶتەنشە جاعدايلار دەپارتامەنتٸ مەن وبلىس ورتالىعى ەكٸمدٸگٸنٸڭ باستاماسىمەن جەرگٸلٸكتٸ «Design city» كومپانيياسىنىڭ ۇجىمى جاساعان. سۋرەتشٸلەر مۋرالدى سالۋ ٷشٸن 5 كٷن جۇمىس ٸستەدٸ.
اقمولا وبلىسى تٶتەنشە جاعدايلار دەپارتامەنتٸنٸڭ باستىعى نۇرلان اتىعاەۆتىڭ ايتۋىنشا, ارت-نىسان باتىردى ەسكە الۋ ٷشٸن جەنە ارنايى كەسٸبي مەرەكە - قۇتقارۋشىلار كٷنٸنە وراي, 19 قازان كٷنٸ اشىلىپ وتىر.
«قۇتقارۋشىلاردىڭ جۇمىسى ٶتە قاۋٸپتٸ. ولار ٷنەمٸ ٶزگەنٸڭ ٶمٸرٸن ساقتاپ قالۋ ٷشٸن ٶز باستارىن قاتەرگە تٸگەدٸ, ولار قيىندىقتىڭ نە ەكەنٸن بٸلمەيدٸ. بٸزدٸڭ مٸندەتتٸمٸز قايتسەكتە ادامداردى قاۋٸپ-قاتەردەن قۇتقارۋ. بٷگٸندە وبلىستا 1377 ٶرت سٶندٸرۋشٸ-قۇتقارۋشى قىزمەت اتقارادى. وسى يگٸ ٸسكە قولداۋ بٸلدٸرگەن قالا باسشىلىعىنا العىسىمىز شەكسٸز», - دەپ اتاپ ٶتتٸ نۇرلان اتىعاەۆ.
تۇرعىندار دا تۇرعىن ٷيدٸڭ قابىرعاسىنا سەن بەرٸپ تۇرعان ستريت-ارت سۋرەتٸن قولداپ, بٷگٸنگٸنٸڭ باتىرلارىنىڭ ەرلٸگٸ ماقتانىشقا اينالاتىنىن اتاپ ٶتتٸ.
«ٶرت سٶندٸرۋشٸنٸڭ بۇل پورترەتٸ حالىقتىڭ نازارىن وتپەن ابايلاپ جۇمىس ٸستەۋگە اۋدارادى جەنە ٶرت سٶندٸرۋشٸ ماماندىعىنا دەگەن قۇرمەتتٸ ودان ەرٸ ارتتىرادى دەپ ٷمٸتتەنەمٸز», - دەپ تٷسٸندٸردٸ كٶكشەتاۋ قالاسىنىڭ تۇرعىنى ازامات بالتاباەۆ.
ايتا كەتسەك, كٶكشەتاۋ قالاسىنداعى 22 تۇرعىن ٷي الابى ستريت-ارت كومپوزيتسييالارىمەن بەزەندٸرٸلگەن.
