كٶكشەتاۋلىقتار قالانىڭ ورتالىق الاڭىندا قىرشىن كەتكەن قىسقى وليمپيادا ويىندارىنىڭ جٷلدەگەرٸ دەنيس تەندٸ بٸر مينۋت ٷنسٸزدٸكپەن ەسكە الىپ, پورترەتٸنە گٷل شوقتارىن قويدى, دەپ حابارلايدى قازاقپارات تٸلشٸسٸ.
شاراعا بارلىعى مىڭعا جۋىق كٶكشەتاۋلىق پەن قالا قوناقتارى قاتىستى. جينالعاندار تانىمال سپورتشى پورترەتٸنٸڭ الدىنا شىراق تۇتاتىپ, ەسكە الۋ رەسٸمٸن جاسادى. ولاردىڭ اراسىندا ەرەسەكتەر مەن بالالار دا بولدى. جۇرتشىلىق دەنيستٸڭ جارقىن بەينەسٸن ەسكە الىپ, كٶز جاسىنا ەرٸك بەردٸ.
"ٷنەمٸ جارقىراپ جٷرەتٸن دەنيستٸڭ جارقىن بەينەسٸ بٸزدٸڭ جٷرەگٸمٸزدە مəڭگٸ ساقتالادى. ول بٸز ٷشٸن وتاندىق سپورتتاعى مەنەرلەپ سىرعاناۋدان ەڭ ٷزدٸك سپورتشى. بايراقتى جارىستاردا ەل مەرتەبەسٸن اسقاقتاتقان ونىڭ قازاسى قازاقستاندىقتار ٷشٸن اۋىر تيٸپ وتىر", - دەپ ەسكە الدى كٶكشەتاۋلىقتار.
ايتا كەتسەك, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
بٷگٸن بەلگٸلٸ بولعانداي, سپورتشىنىڭ ٶلٸمٸنە قاتىسى بار ەكٸ كٷدٸكتٸنٸڭ بٸرٸ ۇستالىپ, ول قىلمىسىن مويىندادى. ەكٸنشٸ كٷدٸكتٸ - 1994 جىلى تۋعان قىزىلوردا وبلىسى, قارماقشى اۋدانى, اقاي اۋىلىنىڭ تۋماسى ارمان قۇدايبەرگەنوۆكە ٸزدەۋ جارييالاندى.
