كٶكشەتاۋدا «تەكتٸ سٶزدٸڭ تٶرەسٸ - تەرمە» اتتى جىرشى-تەرمەشٸلەردٸڭ وبلىستىق بايقاۋى ٶز مەرەسٸنە جەتتٸ.
ٸس-شارا «رۋحاني جاڭعىرۋ» باعدارلاماسى اياسىندا جاستار جىلىنا وراي ۇيىمداستىرىلىپ وتىر. بايقاۋعا اقمولا وبلىسىنىڭ ەر ٶڭٸرٸنەن جينالعان 16-35 جاس ارالىعىنداعى 13 جىرشى-تەرمەشٸ قاتىسىپ, باق سىنادى. قاتىسۋشىلار بيىلعى جاستار جىلىنا جەنە سٷگٸر جىراۋ بەگەندٸكۇلىنىڭ 125 جىلدىق مەرەيتويىنا وراي تاقىرىپتىق باعىتتارداعى شىعارمالاردى ورىندادى.
جينالعاندار الدىندا قۇتتىقتاۋ سٶز سٶيلەگەن اقمولا وبلىسى ەكٸمٸنٸڭ ورىنباسارى اينا مىسىرەلٸموۆا ۇلتتىق تەربيە مەن حالىقتىق ٶنەردٸ ناسيحاتتاۋعا باعىتتالعان بايقاۋدىڭ ماڭىزدىلىعىنا توقتالدى.
«جىر-تەرمە جانرىنىڭ قازاق ٶنەرٸندەگٸ ورنى ەرەكشە. ەلباسى نۇرسۇلتان نازارباەۆ «ۇلى دالانىڭ جەتٸ قىرى» ماقالاسىندا ۇلى دالانىڭ حالىق اۋىز ەدەبيەتٸ تۋىندىلارىن كەڭٸنەن ناسيحاتتاۋ, جىرشىلار مەن تەرمەشٸلەردٸڭ باي مۇرالارىن ەلگە تانىتۋ, دامىتۋ كەرەكتٸگٸن تٸلگە تيەك ەتتٸ. قانى قازاق, جانى قازاق ادامنىڭ تەرمە تىڭداماۋى مٷمكٸن ەمەس, سوندىقتان قازاقستاندىقتاردىڭ تٸلدٸك مەدەنيەتٸن جەتٸلدٸرۋگە باعىتتالعان وسىنداي شارالار ارقىلى تاعىلىمعا تولى تەربيە بەرەتٸن تەرمە جانرىن ٶڭٸرٸمٸزدە دامىتىپ, جاس تەرمەشٸلەردٸ ناسيحاتتايمىز. تەرمە-تولعاۋ – قازىنالى قازاق تاريحىنان سىر شەرتٸپ, زامانا بولمىسىن ايقىنداپ, تەربيە بەرەدٸ. كەزٸندە مايلىقوجا, شال اقىن, يمانجٷسٸپ تەرمەلەرٸنٸڭ ەل جادىندا جاڭعىرىپ, بٷگٸنگٸ كٷنگە دەيٸن ساقتالۋىنىڭ سىرى دا وسىندا. قازٸرگٸ كەزدە تەرمەشٸلٸك ٶنەردٸڭ كەڭ قۇلاش جايۋىنا تەلەديدار مەن راديو ارقىلى بەرٸلەتٸن حابارلاردىڭ جەنە كٶپتەگەن بايقاۋلاردىڭ ٶتكٸزٸلۋٸ زور مٷمكٸندٸك تۋعىزىپ وتىر. ٶڭٸرٸمٸزدە جىر جەنە تەرمە ٶنەرٸندە تانىلىپ جٷرگەن دەستٷرلٸ ەنشٸلەرٸمٸز دە ٶز كٶرەرمەندەرٸن قۋانتۋدا», - دەدٸ اينا مىسىرەلٸموۆا.
بيسارا مەكەنوۆا, قايرات بەشٸموۆ, نەزيرا بەيسەنوۆا سىندى ٶڭٸرگە بەلگٸلٸ ازاماتتاردان قۇرىلعان قازىلار القاسى تەرمەشٸلەردٸ ەنشٸلٸك شەبەرلٸگٸنە, تاڭداعان تۋىندىسىنىڭ مازمۇندىلىعىنا, ساحنا مەدەنيەتٸن ۇستاۋىنا قاراپ باعا بەردٸ.
ساحنا تٶرٸنە بٸرٸنشٸ بولىپ شىققان تسەلينوگراد اۋدانىنىڭ ٷكٸلەپ قوسقان ٷمٸتٸ ەلبول قۋانبەك «بايلاۋى بەكەم بەس عاسىر» تەرمەسٸن ورىنداپ كٶرەرمەندەردٸ بٸر جەلپٸنتٸپ تاستاسا, بولاتبەك ورازباەۆتىڭ «تەۋەلسٸزدٸك تولعاۋىن» ورىنداعان ارشالىلىق نۇرەلٸ ەسحاتتىڭ ٶنەرٸنە جۇرت قوشەمەت كٶرسەتتٸ.
دەگەنمەن, كٸلەڭ مىقتىلار جينالعان سايىستا باعى مەن بابى قاتار شاپقان اقكٶل اۋدانىنىڭ ٷكٸلەگەن ٷمٸتٸ ازامات قايىروۆ ٷشٸنشٸ ورىن, تسەلينوگراد اۋدانىنىڭ ٶكٸلٸ دەۋرەن ىسقاق ەكٸنشٸ ورىن, ال, كٶكشەتاۋلىق ەلبولسىن تاڭنۇر بٸرٸنشٸ ورىنعا لايىق دەپ تانىلدى. جەڭٸمپازدار اقشالاي سىيلىقتارمەن ماراپاتتالدى.
