.jpeg)
بۇل تۋرالى اقپارات جەنە قوعامدىق دامۋ مينيسترٸ دارحان قىدىرەلٸ ۇلىتاۋ وبلىسى جاڭاارقا اۋدانىمەن حالقىمەن كەزدەسۋدە ايتتى.
«مەملەكەت باسشىسىنىڭ بيىلعى 16 ناۋرىزداعى جولداۋىنداعى تاپسىرماسىنا وراي, ەلٸمٸزدەگٸ قوعامدىق كەڭەستەردٸڭ قۇرامى 90 پايىز جاڭارتىلدى. قازٸر كەڭەستەردٸڭ جۇمىسىن جەتٸلدٸرٸپ جاتىرمىز», - دەدٸ د.قىدىرەلٸ.
مينيستردٸڭ ايتۋىنشا, پرەزيدەنت قاسىم-جومارت توقاەۆتىڭ ۇلتتىق قۇرىلتايدىڭ العاشقى وتىرىسىن ۇلىتاۋ جەرٸندە ٶتكٸزۋٸ بۇل ايماقتىڭ ەلدٸڭ رۋحانيياتى مەن مەدەنيەتٸ, بولاشاعى مەن بٷگٸنٸ ٷشٸن قانشالىقتى ماڭىزدى ەكەنٸن كٶرسەتەدٸ.
مەملەكەت باسشىسى: «ۇلتتىق قۇرىلتايدىڭ ۇلىتاۋدا باستالعانى دۇرىس بولدى. كيەلٸ ٶلكەمٸز جاڭا قازاقستاندى قۇرۋ جولىنداعى بٸرلٸكتٸڭ سيمۆولىنا اينالدى», – دەپ اتاپ ٶتكەن بولاتىن», - دەدٸ مينيستر.
ٶڭٸرلەردە قوعامدىق كەڭەستەردٸڭ قاتىسۋىمەن مەديتسينالىق قىزمەتتەرگە تٶلەنەتٸن تٶلەم, مەكتەپ, سپورت الاڭدارى قۇرىلىسى, تۇرعىنداردى اۋىز سۋمەن قامتاماسىز ەتۋ, جول سالۋ مەسەلەرٸ وڭ شەشٸمٸن تاپقان.
