قوعامدىق كەڭەستەر اتاۋىنان «جانىنداعى» قوسىمشا سٶزدٸ الىپ تاستاۋ كەرەك. بۇل تۋرالى بٷگٸن «Nur Otan» پارتيياسى جانىنداعى قۇقىقتىق كەڭەس تٶراعاسى نۇرلان ەبدٸروۆ ايتتى, دەپ حابارلايدى قازاقپارات.
«قوعامدىق كەڭەستەر «جانىنداعى» بولماۋى تيٸس. بٷگٸندا اۋماقتىق بارلىق قوعامدىق كەڭەستەر دۇرىس اتالادى. ولار - وبلىستىڭ, اۋداننىڭ, الماتى, نۇر-سۇلتان قالاسىنىڭ قوعامدىق كەڭەستەرٸ», - دەدٸ نۇرلان ەبدٸروۆ اتالعان كەڭەستٸڭ كەڭەيتٸلگەن وتىرىسىندا.
وسى رەتتە ول دۇرىس اتاماۋدىڭ ٷلگٸسٸ رەتٸندە دەنساۋلىق ساقتاۋ مينيسترلٸگٸنٸڭ قوعامدىق كەڭەسٸن مىسالعا كەلتٸردٸ.
«ەگەر قوعامدىق كەڭەس اتاۋىندا دەنساۋلىق ساقتاۋ مينيسترلٸگٸ كٶرسەتٸلسە, وندا بۇل دۇرىس ەمەس. ول مينيسترلٸكتٸڭ قوعامدىق كەڭەسٸ بولا المايدى. اتالعان زاڭ جوباسىمەن جۇمىس ٸستەگەن باستاپقى كەزەڭدە-اق بٸز قوعامدىق كەڭەستەر قانداي دا بٸر مەملەكەتتٸك ورگاننىڭ جانىنداعى, ەكٸمدٸكتٸڭ, مينيسترلٸكتٸڭ جانىنداعى بولماۋى تيٸستٸگٸمەن كٷرەسكەن ەدٸك. ول اۋماقتىڭ قوعامدىق كەڭەسٸ نەمەسە قانداي دا بٸر باعىتتىڭ قوعامدىق كەڭەسٸ بولۋى تيٸس. ايتالىق, ٸشكٸ ٸستەر مينيسترلٸگٸندە ٸٸم جانىنداعى قوعامدىق كەڭەس ەمەس, ٸشكٸ ٸستەر ورگاندارىنىڭ قىزمەت مەسەلەلەرٸ جٶنٸندەگٸ قوعامدىق كەڭەس بولۋى قاجەت», - دەدٸ ن.ەبدٸروۆ.
ايتا كەتەيٸك, شاراعا قوعامدىق كەڭەستەردٸڭ, ساراپشىلىق قوعامداستىقتاردىڭ, ٷەۇ-لەردٸڭ مٷشەلەرٸ, مەملەكەتتٸك ورگاندار مەن حالىقارالىق ۇيىمداردىڭ باسشىلارى قاتىستى.
بٷگٸندە ەلٸمٸزدە تٷرلٸ دەڭگەيدەگٸ 234 قوعامدىق كەڭەس جۇمىس ٸستەيدٸ.
