قر اقپارات جەنە قوعامدىق دامۋ مينيسترلٸگٸنٸڭ قولداۋىمەن قۇرىلعان قوعامدىق باقىلاۋ قاتىسۋشىلارى بۇل جولى بٸرقاتار قالاعا بارىپ, سانيتارلىق-ەپيدەميولوگييالىق تالاپتاردىڭ بۇزىلعانىن انىقتادى. "ۇلت اقپارات" قازاقستاننىڭ سانيتارلىق تالاپتار ساقتالماعان ايماقتار تٸزٸمٸن ۇسىنادى.
نۇر-سۇلتاندا قوعامدىق كٶلٸكتە جەنە «Mega Silk Way» ساۋدا, ويىن-ساۋىق ورتالىعىندا تۇرعىندار ەلەۋمەتتٸك قاشىقتىقتى ساقتامايدى جەنە ماسكا رەجيمٸن بۇزۋدا. «قوعامدىق باقىلاۋ» توبى قوعامدىق كٶلٸكتەردٸڭ 80-90% تولاتىنىن انىقتادى.
سودان كەيٸن باقىلاۋشىلار قاراعاندى قالاسىنداعى ورتالىق بازار مەن ۆوكزالعا باردى. توپتىڭ ايتۋىنشا, بيزنەس تاراپىنان بٸرنەشە نورما ساقتالىپ جاتقان جوق: كٸرۋ/شىعۋ ەسٸكتەرٸ بٶلٸنبەگەن, انتيسەپتيكتەردٸڭ سەرتيفيكاتى جوق. كٶرەر كٶز بەن يٸس ارقىلى مۇنىڭ جاي عانا سۋ نەمەسە كەيبٸرٸندە سۋ ارالاسقان سۇيىق سابىن ەكەنٸن بايقاۋعا بولادى. بازار ايالداماسى ادامعا تولعان, ەلەۋمەتتٸك قاشىقتىق پەن ماسكا رەجيمٸ دە ساقتالماۋدا.
پاۆلوداردا ماسكا رەجيمٸ جالپى ساقتالعان, بٸراق ساۋدا, ويىن-ساۋىق ورتالىقتارى مەن قوعامدىق ورىنداردا ەلەۋمەتتٸك قاشىقتىق جوق. ساۋدا-ويىن-ساۋىق ورتالىعىنا كٸرەتٸن ادامدار سانى شەكتەۋلٸ بولعاندىقتان, ورتالىق الدىندا كەزەك پايدا بولعان. سونداي-اق جالپى بٸلٸم بەرەتٸن مەكتەپتەرگە مونيتورينگ جٷرگٸزٸلدٸ. وندا سانيتايزەرلەر ورناتىلىپ, وقۋشىلار 1 وقۋشىدان شاحمات تەرتٸبٸمەن وتىرعىزىلعان. سىنىپتا وقۋشىلار سانى 15-تەن اسپاۋى تيٸس. الايدا, اتا-انالار ساباق اياقتالعاندا مەكتەپ قاقپاسىنا كٶپتەپ جينالادى جەنە توبىر قۇرادى.
تارازدا قوعامدىق باقىلاۋ توبى قاۋٸپسٸزدٸك نورمالارىنىڭ ٶرەسكەل بۇزىلعانىن انىقتادى: «Kaspi» بانكٸ الدىندا ادامدار ٷنەمٸ توپتاسىپ تۇرادى, ماسكا رەجيمٸ بۇزىلعان, بازار ساتۋشىلارى مەن حالىق ەلەۋمەتتٸك قاشىقتىقتى ساقتامايدى. «تۇتاس مونيتورينگ بارىسىندا وڭ ٶزگەرٸستەر بايقالمادى», - دەپ اتاپ ٶتتٸ «قوعامدىق باقىلاۋ» توبى.
ورال مەن اقتٶبەدە دە ەلەۋمەتتٸك قاشىقتىقتىڭ ساقتالماۋى جەنە ماسكا رەجيمٸنٸڭ بۇزىلۋى بايقالعان.
قوستاناي وبلىسى بويىنشا قوعامدىق باقىلاۋ بٸرقاتار مەسەلەنٸ انىقتادى: اۋداندىق جەنە قالالىق اۋرۋحانالاردا قىزمەتكەرلەر ٷشٸن قولعاپتار, بٸر رەت قولدانىلاتىن ماسكالار جەتٸسپەيدٸ. دەرٸگەرلەر كەسٸپكەرلەرگە جٷگٸنٸپ, سولاردىڭ جەكە قاراجاتىنا قاجەتتٸ بۇيىمداردى الدىرعان. تۇرعىن الاپتارىندا, كٶشەلەردە, شاعىن ساۋدا ورىندارىندا جەنە كٶكٶنٸس دٷكەندەرٸندە سانيتارلىق نورمالار بۇزىلۋدا. پاترۋلدٸك قىزمەتتەردٸڭ بەلسەندٸلٸگٸ ايتارلىقتاي تٶمەندەگەن. ٷيلەردٸڭ بٸرٸندەگٸ تۇرعىندار زاڭسىز قۇرىلىس تۋرالى پرەزيدەنت اپپاراتىنا شاعىم جٸبەرگەن, بٸراق شاعىم وبلىسقا قايتا جٸبەرٸلدٸ. ولارمەن كەزدەسۋگە ٶكٸلەتتٸلٸك دەڭگەيٸ تٶمەن بٸر عانا مامان جٸبەرٸلگەن. COVID-19-عا تالداۋ نەتيجەلەرٸن بەرۋ مەرزٸمٸ ەلٸ دە كەشٸكتٸرٸلۋدە. دەرٸ-دەرمەكتٸ ستاتسيونارلارعا جەتكٸزۋدە كەدەرگٸلەر بار, ناۋقاستاردىڭ تەگٸن بەرٸلۋٸ تيٸس دەرٸ-دەرمەكتٸ ساتىپ الۋى فاكتٸلەرٸ دە كەزدەسكەن.
