ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ قازاقستاندىقتارعا كٶبەيتۇزعا بارماۋعا كەڭەس بەردٸ, دەپ حابارلايدى "ۇلت اقپارات".
«كٶبەيتۇز تۋرالى ناقتى مىنانى ايتا الامىن. بٸرٸنشٸدەن, بىلتىر ەكٸمدٸك سۋ مەن تۇزعا تالداۋ جاسادى, ودان جاعىمسىز قورىتىندى شىققان. ونداعى سۋ مەن تۇزدىڭ قۇرامىندا مەتالدار ٶتە كٶپ ەكەنٸ مەلٸم بولىپ وتىر. مەن وسى الاڭدى پايدالانىپ, تۇرعىنداردان كٶبەيتۇزعا بارۋدان تارتىنۋدى سۇراعىم كەلەدٸ», - دەگەن مينيستر اتالمىش كٶلدٸ ەرەكشە قورعالاتىن اۋماققا اينالدىرۋ جەرگٸلٸكتٸ ەكٸمدٸككە بايلانىستى ەكەنٸن ەسكەرتتٸ.
«ەرەكشە قورعالاتىن اۋماققا اينالدىرۋ مەسەلەسٸنە كەلسەك, بۇل – جەرگٸلٸكتٸ اتقارۋشى ورگاننىڭ قۇزىرىنداعى شارۋا. بٸز ونى جەرگٸلٸكتٸ رەجيمدەگٸ ەرەكشە قورعالاتىن اۋماققا اينالدىرۋدى ۇسىنعان بولاتىنبىز. لابوراتورييالىق زەرتتەۋلەردٸڭ قورىتىندىسىن الىپ وتىرمىز. ەكٸمدٸك قازٸر بۇل مەسەلەنٸ سوڭىنا دەيٸن زەرتتەپ بٸتٸرەدٸ. الداعى 1-2 كٷندە وبلىس ەكٸمدٸگٸمەن سٶيلەسٸپ, ناقتى مەلٸمەت الاتىنىمدى ايتقىم كەلەدٸ», - دەدٸ ماعزۇم مىرزاعاليەۆ.
سونىمەن قاتار, ۆەدومستۆو باسشىسى كٶبەيتۇزدىڭ سۋى مەن تۇزى ادام اعزاسىنا قاۋٸپ تٶندٸرۋٸ مٷمكٸن دەگەن بولجام ايتتى.
«كٶبەيتۇزعا بىلتىر اۋدان ەكٸمدٸگٸ كوردون قويعان. ودان ەرٸ قاراي كٶلٸكپەن ٶتۋگە بولمايدى. ەكٸنشٸدەن, تاعى قايتالاپ ايتامىن, كٶلگە بارۋ ادامداردىڭ دەنساۋلىعىنا كەرٸ ەسەر ەتۋٸ مٷمكٸن», - دەدٸ ماعزۇم مىرزاعاليەۆ.
