Ekologiia, geologiia jáne tabiǵi resýrstar ministri Maǵzum Myrzaǵaliev qazaqstandyqtarǵa Kóbeituzǵa barmaýǵa keńes berdi, dep habarlaidy "Ult aqparat".
«Kóbeituz týraly naqty mynany aita alamyn. Birinshiden, byltyr ákimdik sý men tuzǵa taldaý jasady, odan jaǵymsyz qorytyndy shyqqan. Ondaǵy sý men tuzdyń quramynda metaldar óte kóp ekeni málim bolyp otyr. Men osy alańdy paidalanyp, turǵyndardan Kóbeituzǵa barýdan tartynýdy suraǵym keledi», - degen ministr atalmysh kóldi erekshe qorǵalatyn aýmaqqa ainaldyrý jergilikti ákimdikke bailanysty ekenin eskertti.
«Erekshe qorǵalatyn aýmaqqa ainaldyrý máselesine kelsek, bul – jergilikti atqarýshy organnyń quzyryndaǵy sharýa. Biz ony jergilikti rejimdegi erekshe qorǵalatyn aýmaqqa ainaldyrýdy usynǵan bolatynbyz. Laboratoriialyq zertteýlerdiń qorytyndysyn alyp otyrmyz. Ákimdik qazir bul máseleni sońyna deiin zerttep bitiredi. Aldaǵy 1-2 kúnde oblys ákimdigimen sóilesip, naqty málimet alatynymdy aitqym keledi», - dedi Maǵzum Myrzaǵaliev.
Sonymen qatar, vedomstvo basshysy Kóbeituzdyń sýy men tuzy adam aǵzasyna qaýip tóndirýi múmkin degen boljam aitty.
«Kóbeituzǵa byltyr aýdan ákimdigi kordon qoiǵan. Odan ári qarai kólikpen ótýge bolmaidy. Ekinshiden, taǵy qaitalap aitamyn, kólge barý adamdardyń densaýlyǵyna keri áser etýi múmkin», - dedi Maǵzum Myrzaǵaliev.
