قازاقستان مۇسىلماندارى دٸني باسقارماسىنىڭ (قمدب) قوعام الدىنداعى نەگٸزگٸ 4 قىزمەتٸنٸڭ بٸرٸ – قايىرىمدىلىق شارالارىن ۇيىمداستىرۋ, دەپ حابارلايدى "ۇلت اقپارات" قمدب-نىڭ رەسمي سايتىنا سٸلتەمە جاساپ.
قمدب كٶمەككە مۇقتاج جانداردى قولداۋ, قاۋٸپتٸ ٸندەتتٸڭ الدىن الۋ ماقساتىندا WWW.QURBAN2020.KZ سايتىن ٸسكە قوسقان بولاتىن.
جوبانىڭ ماقساتى – قايىرىمدىلىققا دەنەكەر بولۋ, حالىقتىڭ دەنساۋلىعى مەن ٶمٸرٸنە تٶنگەن قاۋٸپتٸ سەيٸلتۋگە ٷلەس قوسۋ, قۇربان شالۋعا نيەت بٸلدٸرگەن جاندارعا كارانتين جاعدايىندا وڭتايلى جول ۇسىنۋ, ت.ب.
«قۇرمەتتٸ قاۋىم!
WWW.QURBAN2020.KZ جوباسى بويىنشا جٷيەلٸ ەسەپ بەرٸپ تۇراتىنىمىز جايلى وسىعان دەيٸن ٶزدەرٸڭٸزگە حابارلاعانىمىزداي, 2020 جىلدىڭ 31 شٸلدەسٸ ساعات 15:00-دەگٸ مەلٸمەت بويىنشا رەسپۋبليكا دەڭگەيٸندە 3225 ادام قۇرباندىق شالۋعا تاپسىرىس بەردٸ. بۇدان بٶلەك 1000-نان استام ادام اللا رازىلىعى ٷشٸن قوسىمشا قۇرباندىق مالىن ەكەلٸپ تاپسىردى. بٷگٸن, ياعني قۇربان ايتتىڭ بٸرٸنشٸ كٷنٸندە ەلٸمٸز بويىنشا 4 700 مال شالىندى. ونىڭ ٸشٸندە قوي – 4341, ٸرٸ قارا – 274, ەشكٸ – 83, تٷيە – 2. بۇعان قوسا 22 كەسٸپورىن مەن مەكەمەلەر قۇرباندىق مالىن تاپسىردى. بارلىق مەلٸمەتتٸ جيناقتاپ ايتقاندا, ەلٸمٸز بويىنشا 17 997 وتباسىعا قۇرباندىق ەتٸ تاراتىلدى.
قادٸرلٸ وتانداستار!
حالقىمىزدا: «قايىرىمدىلىق جاساساڭ, قايىرىن ٶزٸڭ كٶرەسٸڭ» دەگەن ناقىل سٶز بار. بارشاڭىز شىنايى نيەتپەن قۇربان شالىپ, مۇقتاج وتباسىلارعا مەرەكەلٸك قۋانىش سىيلاپ, ساۋاپتى ٸسكە ورتاقتاسىپ وتىرسىزدار.
اسا قامقور, ەرەكشە كەڭشٸلٸك يەسٸ بولعان اللا تاعالا وسى امالدارىڭىزدىڭ ساۋابىن ارتتىرىپ, ٶز قۇزىرەتٸندە قابىلدىققا جازعاي. ساۋابى مول قايىرىمدىلىق ٸستٸڭ جاقسىلىعى ٶزدەرٸڭٸزگە ەسەلەپ قايتىپ, حالىقتىڭ العىسى مەن باتاسىنا بٶلەنە بەرٸڭٸزدەر. كٶمەك العان جانداردىڭ سٸزدەرگە جولداعان دۇعا-تٸلەكتەرٸ قابىل بولعاي. جاراتقان جاببار يەمٸز مەرەيلەرٸڭٸزدٸ ٷستەم ەتٸپ, ەكٸ دٷنيەنٸڭ نىعمەتٸ مەن قۇرمەتٸنە بٶلەنۋدٸ نەسٸپ ەتكەي. ەمين!»,-دەلٸنگەن حابارلامادا.
