قازاقستان مۇسىلماندارى دٸني باسقارماسى «زەكەت جەنە قايىرىمدىلىق» قورى رامازان ايىنىڭ العاشقى جۇماسىندا «ٶمٸرگە ٷمٸت سىيلا» اكتسيياسىن ٶتكٸزدٸ, دەپ حابارلايدى قازاقپارات.
يگٸ شارا رامازان ايى مەن تەۋەلسٸزدٸكتٸڭ 30 جىلدىعىنا وراي ۇيىمداستىرىلىپ وتىر. دٸني باسقارما نۇر-سۇلتان قالاسىنىڭ №1 اۋرۋحاناسىنا مەديتسينالىق جابدىقتار مەن ازىق-تٷلٸك سەبەتتەرٸن تابىستادى.
«قادٸرلٸ باۋىرلار, قۇرمەتتٸ اق حالاتتى ابزال جاندار! ەڭ بٸرٸنشٸ سٸزدەرگە ٶز اتىمىزدان, مٷفتييات اتىنان العىس ايتقىمىز كەلەدٸ. ٸندەت ەلەمدٸك دەڭگەيدە ۋشىعىپ تۇرعاندا سٸزدەر الدىڭعى قاتاردا جٷردٸڭٸزدەر, قازٸر دە ەلگە قىزمەت ەتۋدٸ جالعاستىرىپ جٷرسٸزدەر. الدىمەن اللادان سٸزدەردٸڭ اماندىقتارىڭىزدى تٸلەيمٸن. ۋاعىز-ناسيحاتىمىزدا دا حالىققا دەرٸگەرلەردٸڭ ەرەن ەڭبەگٸن ايتىپ جاتىرمىز. بٷگٸن مٷفتييات ۇجىمىمەن بٸرگە رامازاننىڭ سىيلىعىن بەرۋگە كەلدٸك. بۇل – سٸزدەرگە امالمەن, ٸسپەن كٶرسەتكەن راحمەتٸمٸز», - دەدٸ قمدب تٶراعاسى, باس مٷفتي ناۋرىزباي قاجى تاعانۇلى.
قمدب بيىلعى جىل باسىندا 7 باعىتتاعى جۇمىسقا باسىمدىق بەرەتٸنٸن ايتقان ەدٸ. سونىڭ بٸرٸ – قايىرىمدىلىق باعىتى.
«ەمحانادا ەمدەلٸپ جاتقان باۋىرلارىمىزعا كٶمەگٸمٸز تيسٸن دەگەن ماقساتتا 3 وتتەگٸ كونتسەنتراتى اپپاراتىن جەنە 30 دانا پۋلسوكسيمەتر, 30 دانا تىنىس الۋعا جابدىعىن تابىستاپ وتىرمىز. ال 150 دانا ازىق-تٷلٸك سەبەتٸ «بەرەكەلٸ رامازان سىيى» اكتسيياسىمەن اۋرۋحانا قىزمەتكەرلەرٸنە بەرٸلەدٸ. بۇعان دەيٸن دە قايىرىمدىلىق شارالارىن جاساپ كەلگەن بولاتىنبىز, ەرٸ قاراي دا يگٸ شارالاردى جالعاستىرامىز», - دەدٸ باس مٷفتي.
دٸني باسقارمانىڭ حابارلاۋىنشا, ٸندەت كەزٸندە «ٶمٸرگە ٷمٸت سىيلا» اكتسيياسى اياسىندا بىلتىردان بەرٸ 67 اۋرۋحاناعا 425 ملن تەڭگەنٸڭ كٶمەگٸ كٶرسەتٸلگەن. وندا ٶكپەندٸ جاساندى جەلدەتۋ اپپاراتتارى, وتتەگٸ كونتسەنتراتتارى, ماسكا جەنە قورعانىش كيٸمدەرٸ بەرٸلگەن.
