ەلوردالىق «بارىس» قۇرلىقتىق حوككەي ليگاسى پلەي-وفف ساتىسىندا بٷگٸن رەسەيلٸك «مەتاللۋرگ» (ماگنيتوگورسك) كومانداسىمەن العاشقى كەزدەسۋٸن ٶتكٸزدٸ, دەپ حابارلايدى قازاقپارات.
كەزدەسۋ بارىسىندا ەكٸ كوماندا تارتىستى ويىن ٶتكٸزدٸ. بٸر-بٸرٸنٸڭ قاقپاسى ماڭىندا جيٸ شابۋىل جاسادى. بٸرٸنشٸ كەزەڭدە ەسەپ اشىلعان جوق.
ەكٸنشٸ كەزەڭنٸڭ العاشقى مينۋتتارىندا قازاقستاندىق كلۋبتىڭ باسىمدىعى بايقالىپ تۇردى.
نەتيجەسٸندە 22-مينۋتتا ەلوردالىق كلۋبتان توماش يۋرچو مەرگەندٸك تانىتتى.
ٷشٸنشٸ كەزەڭدە «بارىس» حوككەيشٸسٸ ياكوب ليليا 40-مينۋتتا ەسەپتٸ ٷستەمەلەي تٷستٸ. ال 47-مينۋتتا رەسەيلٸك كلۋبتان لينۋس ۆيدەلل كٶزدەگەن نىسانادان مٷلت كەتكەن جوق.
توماش يۋرچو 50-مينۋتتا تاعى بٸر مەرتە مەرگەندٸگٸمەن كٶزگە تٷستٸ. رەسەيلٸك كلۋبتان نيكولاي گولدوبين 52-مينۋتتا ەسەپ ايىرماسىن قىسقارتتى.
وسىلايشا «بارىس» قارسىلاسىن 3:2 ەسەبٸمەن تٸزە بٷكتٸردٸ. نەتيجەسٸندە پلەي-وفف ساتىسىنداعى جەڭٸستەر سەريياسىندا العاشقى ۇپايىنا قول جەتكٸزدٸ.
ەندٸ تاعى بٸر ويىن 3 ناۋرىزدا ماگنيتوگورسك قالاسىندا ٶتەدٸ. ودان كەيٸنگٸ ەكٸ كەزدەسۋ 5 جەنە 7 ناۋرىزدا ەلوردادا بولادى.
العاشقى تٶرت ماتچتا جەڭٸمپاز انىقتالماعان جاعدايدا ودان كەيٸنگٸ ويىندار 9 ناۋرىزدا ماگنيتوگورسكٸدە, 11 ناۋرىزدا نۇر-سۇلتاندا, 13 ناۋرىزدا ماگنيتوگورسكٸدە ٶتەدٸ.
