قحل: «بارىس» «اۆانگاردتان» جەڭٸلٸپ قالدى

«بارىس» قۇرلىقتىق حوككەي ليگاسىندا بٷگٸن ەلوردادا رەسەيدٸڭ «اۆانگارد» (ومبى) كومانداسىن قابىلدادى, دەپ حابارلايدى "ۇلت اقپارات".

بۇل ويىندا ەلوردالىق كلۋب 2:5 ەسەبٸمەن قارسىلاسىنا ەسە جٸبەردٸ. بٸرٸنشٸ كەزەڭدە «اۆانگارد» ساپىنان دەنيس زەرنوۆ 4, نايل ياكۋپوۆ 8-مينۋتتا ەكٸ شايبا سوعىپ كەتتٸ. وعان «بارىس» حوككەيشٸسٸ ياكوب ليليا 11-مينۋتتا بٸر گولمەن جاۋاپ قايىردى. ودان كەيٸن رەسەيلٸك الەكسەي ەمەلين 16-مينۋتتا مەرگەندٸك تانىتتى. 

ويىننىڭ 38-مينۋتىندا «اۆانگارد» ساپىنان كيريلل سەميونوۆ ەسەپتٸ ٷستەمەلەي تٷستٸ. ال 45-مينۋتتا ەلوردالىق دميتريي گۋركوۆ ەسەپ ايىرماسىن قىسقارتتى. قورىتىندى ەسەپتٸ 53-مينۋتتا رەسەيلٸك حوككەيشٸ دەنيچ زەرنوۆ بەلگٸلەدٸ. 

وسىلايشا «بارىس» قارسىلاسىنا ەسە جٸبەردٸ. بۇل - «بارىستىڭ» قاتارىنان ٷشٸنشٸ جەڭٸلٸسٸ.

ەندٸ ەلوردالىق كلۋب 22 قاراشادا رەسەيدە ۋفانىڭ «سالاۆات يۋلاەۆ» كومانداسىمەن كەزدەسەدٸ.