فوتو: تۋريزم جەنە سپورت مينيسترلٸگٸ
الماتىداعى "اتاكەنت" قازاقستان ٸسكەرلٸك ىنتىماقتاستىق ورتالىعى (قٸىو) كەشەنٸندە KITF 2025 – وتاندىق "تۋريزم جەنە ساياحات" حالىقارالىق كٶرمەسٸنٸڭ رەسمي اشىلۋ سالتاناتى ٶتتٸ. ٸس-شاراعا قر تۋريزم جەنە سپورت مينيسترٸنٸڭ ورىنباسارى ەرجان ەركٸنباەۆ, الماتى قالاسى تۋريزم باسقارماسىنىڭ باسشىسى عالييا توقسەيٸتوۆا جەنە Iteca كومپانيياسىنىڭ ديرەكتورى بوريس دانيلەنكو قاتىستى, دەپ جازادى inbusiness.kz.
بيىلعى كٶرمەگە 30-دان استام ەل مەن قازاقستان ٶڭٸرلەرٸنەن كەلگەن 500-دەن استام كومپانييا ٶكٸلدەرٸ قاتىسىپ جاتىر. ولاردىڭ قاتارىندا تۋريستٸك ۇيىمدار, تۋروپەراتورلار, ەۋە كومپانييالارى, قوناق ٷي بيزنەسٸ ٶكٸلدەرٸ مەن IT-كومپانييالار بار. سونداي-اق حالىقارالىق ٸس-شاراعا ەزەربايجان, ۇلىبريتانييا, ۆەتنام, ٷندٸستان, قىتاي, تٷركييا, جاپونييا جەنە باسقا دا ەلدٸڭ ٶكٸلدەرٸ كەلگەن. سونداي-اق ەلٸمٸزدٸڭ 14 ٶڭٸرٸنٸڭ ستەندتەرٸ ۇسىنىلعان. ەر ٶڭٸر ٶز تۋريستٸك ٶنٸمدەرٸن, اتاپ ايتقاندا, ەكوتۋريزم مەن مەديتسينالىق باعىتتاردان باستاپ ەتنوتۋريزم مەن وقيعالى تۋريزم فورماتتارىنا دەيٸن تانىستىردى.
باعدارلاما اياسىندا كٶرمە ەكسپوزيتسيياسى بويىنشا شولۋ تۋرى ۇيىمداستىرىلدى. رەسمي دەلەگاتسييا ۇلتتىق جەنە ٶڭٸرلٸك ستەندتەرمەن تانىسىپ, ۇسىنىلعان تۋريستٸك ٶنٸمدەر, تسيفرلى شەشٸمدەر جەنە جاڭا باعىتتارمەن تانىستى.
"قازاقستان تيان-شان مەن التاي تاۋلارىنداعى ەكوتۋريزمنەن باستاپ, مەگاپوليستەردەگٸ ٸسكەرلٸك تۋريزمگە دەيٸن, تٷركٸستان مەن تاراز سىندى ەجەلگٸ قالالارداعى كيەلٸ ورىنداردان باستاپ, الماتى مەن استاناداعى كرەاتيۆتٸ لوكاتسييالارعا, شارىن, التىن ەمەل, كٶلساي كٶلدەرٸ ۇلتتىق پاركتەرٸ بويىنشا تانىمال مارشرۋتتاردان ۇلى جٸبەك جولىنىڭ ٸزٸمەن ٶتەتٸن كٶپكٷندٸك ەكسپەديتسييالارعا دەيٸن كەڭ مٷمكٸندٸكتەر ۇسىنادى. 30-دان استام ەلدٸڭ KITF كٶرمەسٸنە قاتىسۋى – قازاقستانعا دەگەن قىزىعۋشىلىقتىڭ ارتىپ كەلە جاتقانىن ايعاقتايدى. بۇل – بٸز ٷشٸن زور قۋانىش ەرٸ ٷلكەن سەنٸمنٸڭ كٶرٸنٸسٸ", – دەدٸ ەرجان ەركٸنباەۆ.
سونىمەن قاتار TREND ZONE: BEYOND TRAVEL فورۋمىنىڭ ٸسكەرلٸك باعدارلاماسى باستالدى. وعان تۋريزمدەگٸ جاڭا تسيفرلىق شەشٸمدەر, اۆياتسييا نارىعىنىڭ دامۋى, جاساندى ينتەللەكت پەن big data تەحنولوگييالارىن ينتەگراتسييالاۋ بويىنشا سەسسييالار ٶتتٸ.
KITF 2025 كٶرمەسٸ 25 سەۋٸرگە دەيٸن جالعاسادى. وسى ۋاقىت ٸشٸندە كٶرمە اياسىندا تۋريستٸك باعىتتار تانىستىرىلىپ, سالا كٶشباسشىلارىنىڭ قاتىسۋىمەن ستراتەگييالىق پٸكٸرتالاستار ٶتكٸزٸلەدٸ.
