Foto: Týrizm jáne sport ministrligi
Almatydaǵy "Atakent" Qazaqstan iskerlik yntymaqtastyq ortalyǵy (QIYO) kesheninde KITF 2025 – otandyq "Týrizm jáne saiahat" halyqaralyq kórmesiniń resmi ashylý saltanaty ótti. Is-sharaǵa QR Týrizm jáne sport ministriniń orynbasary Erjan Erkinbaev, Almaty qalasy Týrizm basqarmasynyń basshysy Ǵaliia Toqseiitova jáne Iteca kompaniiasynyń direktory Boris Danilenko qatysty, dep jazady inbusiness.kz.
Biylǵy kórmege 30-dan astam el men Qazaqstan óńirlerinen kelgen 500-den astam kompaniia ókilderi qatysyp jatyr. Olardyń qatarynda týristik uiymdar, týroperatorlar, áýe kompaniialary, qonaq úi biznesi ókilderi men IT-kompaniialar bar. Sondai-aq halyqaralyq is-sharaǵa Ázerbaijan, Ulybritaniia, Vetnam, Úndistan, Qytai, Túrkiia, Japoniia jáne basqa da eldiń ókilderi kelgen. Sondai-aq elimizdiń 14 óńiriniń stendteri usynylǵan. Ár óńir óz týristik ónimderin, atap aitqanda, ekotýrizm men meditsinalyq baǵyttardan bastap etnotýrizm men oqiǵaly týrizm formattaryna deiin tanystyrdy.
Baǵdarlama aiasynda kórme ekspozitsiiasy boiynsha sholý týry uiymdastyryldy. Resmi delegatsiia ulttyq jáne óńirlik stendtermen tanysyp, usynylǵan týristik ónimder, tsifrly sheshimder jáne jańa baǵyttarmen tanysty.
"Qazaqstan Tian-Shan men Altai taýlaryndaǵy ekotýrizmnen bastap, megapolisterdegi iskerlik týrizmge deiin, Túrkistan men Taraz syndy ejelgi qalalardaǵy kieli oryndardan bastap, Almaty men Astanadaǵy kreativti lokatsiialarǵa, Sharyn, Altyn Emel, Kólsai kólderi ulttyq parkteri boiynsha tanymal marshrýttardan Uly Jibek jolynyń izimen ótetin kópkúndik ekspeditsiialarǵa deiin keń múmkindikter usynady. 30-dan astam eldiń KITF kórmesine qatysýy – Qazaqstanǵa degen qyzyǵýshylyqtyń artyp kele jatqanyn aiǵaqtaidy. Bul – biz úshin zor qýanysh ári úlken senimniń kórinisi", – dedi Erjan Erkinbaev.
Sonymen qatar TREND ZONE: BEYOND TRAVEL forýmynyń iskerlik baǵdarlamasy bastaldy. Oǵan týrizmdegi jańa tsifrlyq sheshimder, aviatsiia naryǵynyń damýy, jasandy intellekt pen big data tehnologiialaryn integratsiialaý boiynsha sessiialar ótti.
KITF 2025 kórmesi 25 sáýirge deiin jalǵasady. Osy ýaqyt ishinde kórme aiasynda týristik baǵyttar tanystyrylyp, sala kóshbasshylarynyń qatysýymen strategiialyq pikirtalastar ótkiziledi.
