قر پرەزيدەنتٸ قاسىم-جومارت توقاەۆ بالا قۇقىقتارى جٶنٸندەگٸ ۋەكٸل ارۋجان سايندى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا مەملەكەت باسشىسىنا بالالاردىڭ قۇقىقتارى مەن زاڭدى مٷددەلەرٸن قورعاۋعا قاتىستى بۇعان دەيٸن بەرگەن تاپسىرمالارىنىڭ نەتيجەسٸندە قابىلدانعان شەشٸمدەر جايىندا ەگجەي-تەگجەيلٸ باياندالدى.
ارۋجان ساين قاسىم-جومارت توقاەۆقا بالالار اراسىنداعى مٷگەدەكتٸك دەڭگەيٸن تٶمەندەتۋگە باعىتتالعان مٷمكٸندٸگٸ شەكتەۋلٸ بالالاردىڭ تۇرمىس ساپاسىن ارتتىرۋ جٶنٸندەگٸ جول كارتاسىنىڭ ورىندالۋى جايىندا مەلٸمەت بەردٸ. ونىڭ ايتۋىنشا, تالما, ورفان جەنە باسقا دا اۋرۋلارعا شالدىققان بالالاردى دەرٸ-دەرمەكپەن قامتاماسىز ەتۋگە بايلانىستى بٸرقاتار شەشٸلمەگەن پروبلەمالار بار.
بالالار ومبۋدسمەنٸ 2020 جىلعى 30 جەلتوقساندا پرەزيدەنت قول قويعان زاڭنىڭ كٷشٸنە ەنۋٸنە بايلانىستى قالىپتاسقان احۋال جايىندا ايتتى. اتالعان زاڭ مەملەكەتتٸك شىعارماشىلىق جەنە سپورتتىق تاپسىرىستار تۋرالى تٷسٸنٸكتٸ زاڭنامالىق تۇرعىدان بەكٸتٸپ, شىعارماشىلىق ٷيٸرمەلەر مەن سپورت سەكتسييالارىنا قاتىساتىن بالالاردى بارىنشا قامتۋ ٷشٸن جان باسىنا شاققانداعى قارجىلاندىرۋدى كٶزدەيدٸ. بۇل رەتتە ارۋجان ساين مەملەكەتتٸك تاپسىرىستى ورىنداۋ ٷشٸن ەكٸمدٸكتەر بٶلگەن بيۋدجەت قارجىسىنىڭ از ەكەنٸنە الاڭداۋشىلىق بٸلدٸردٸ.
بالا قۇقىقتارى جٶنٸندەگٸ ۋەكٸل پرەزيدەنتكە دەنساۋلىق ساقتاۋ, ەلەۋمەتتٸك قورعاۋ جەنە بٸلٸم بەرۋ جٷيەلەرٸندەگٸ مەكەمەلەردە, ونىڭ ٸشٸندە, ينتەرناتتا, بالالار ٷيٸندە جەنە مامانداندىرىلعان ينتەرناتتاردا بٸلٸم الاتىن بالالاردىڭ قۇقىقتارىن قورعاۋعا باعىتتالعان بٸرقاتار ۇسىنىس ايتتى. سونداي-اق بالالار قۇقىعىن قورعاۋعا بايلانىستى زاڭ بۇزۋشىلىقتار انىقتالعانىن اتاپ ٶتتٸ.
سونىمەن قاتار ۋەكٸل ينستيتۋتىن «ومبۋدسمەن تۋرالى» زاڭ قابىلداۋ جەنە مەملەكەتتەگٸ قۇقىق قورعاۋ تەتٸكتەرٸنٸڭ تيٸمدٸلٸگٸن ارتتىرۋ تۇرعىسىنان قولداۋ مەسەلەسٸ تالقىلاندى.
قاسىم-جومارت توقاەۆ بالالاردىڭ قۇقىقتارىن قورعاۋدىڭ اسا ماڭىزدى ەكەنٸن ايتا كەلە, كٶتەرٸلگەن مەسەلە بويىنشا بٸرقاتار تاپسىرما بەرٸپ, مۇنى ەرقاشان جٸتٸ باقىلاۋىندا ۇستايتىنىن ايتتى. پرەزيدەنت بارلىق بالانىڭ قۇقىعىن قامتاماسىز ەتۋ جٶنٸندەگٸ مەملەكەت مٸندەتتەمەلەرٸنٸڭ سٶزسٸز ورىندالۋى, بالالاردىڭ مۇقتاجدىعى ٷشٸن بٶلٸنگەن بيۋدجەت قارجىسى ولاردىڭ ناقتى قاجەتتٸلٸگٸنە جۇمسالۋى تيٸس ەكەنٸن جەتكٸزدٸ. مەملەكەت باسشىسى بالالاردىڭ قۇقىعىنا قاتىستى زاڭ بۇزۋشىلىقتارعا الىپ كەلەتٸن كەز كەلگەن قيياناتتى ٸس-ەرەكەتتەردٸڭ جولى كەسٸلٸپ, كٸنەلٸلەر جازالانۋى كەرەك دەپ سانايدى.
