قازاقستان Cىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ۋكرايناداعى جاعدايعا بايلانىستى قازاقستاندىق ديپلوماتتاردىڭ كٷنٸ-تٷنٸ جۇمىس ٸستەپ جاتقانىن اتاپ ٶتتٸ, دەپ حابارلايدى "ۇلت اقپارات".
"سوڭعى بٸرنەشە كٷن بويى ەلەمنٸڭ نازارى ۋكراينادا. بٸزدٸڭ كيەۆتەگٸ ەلشٸلٸكتٸڭ قىزمەتكەرلەرٸ كٷنٸ-تٷنٸ جۇمىس ٸستەۋدە. قازاقستاننىڭ ازاماتتارىنا كٶمەك كٶرسەتٸپ قانا قويماي, ورنالاسقان ەلدەرٸندەگٸ جاعداي جٶنٸندە ٶزەكتٸ اقپاراتتى دا جٸبەرٸپ تۇرادى.
شۇعىل اقپارات الماسۋ, تۋىنداعان مەسەلەلەردٸ جەدەل شەشۋ ماقساتىندا ەرينە بەلگٸلٸ بٸر مەسسەندجەردە جۇمىس چاتىن اشتىق. سول چاتتا بٸرگە قۋانىپ, بٸرگە كٷرسٸنٸپ جاتامىز. ۋكرايناداعى ەرٸپتەستەرٸمٸزگە سۇراقتاردى جاۋدىرىپ, سول تۇرعان جەرٸندە جاۋاپ بەر دەپ جازاتىنىمىز دا بار.
كەشە عانا باق-قا ارنالعان بريفينگتە ايتىپ ٶتكەنٸمدەي, قر ازاماتتارى بار بٸرنەشە اۆتوبۋس شەكاراعا قاراي جولدا كٶلٸك كەپتەلٸسٸندە تۇردى. ولاردىڭ جارتىسى شەكارادان ٶتٸپ, امان-ەسەن پولشانىڭ اۋماعىندا ازاماتتارىمىزدىڭ ەكٸنشٸ توبى كەلگەنشە قوناق ٷيگە ورنالاستىرىلدى" - دەپ جازدى سماديياروۆ.
سونداي-اق رەسمي ٶكٸلدٸڭ ايتۋىنشا, بٸرٸنشٸ توپپەن ٸلەسٸپ كەلە جاتقان ديپلوماتتاردىڭ اراسىندا ەيەل ادام دا بار. ول جاعداي شيەلەنٸسكەن العاشقى كٷننەن باستاپ 24 ساعات ۇيقى مەن دەمالىس بٸلمەي قىزمەتٸن ادال اتقارىپ كەلەدٸ.
"قاشان تەلەفونمەن قوڭىراۋ شالماساڭ دا, بٸردەن جاۋاپ بەرٸپ, تولىق ٶزەكتٸ اقپارات بەرەدٸ. داۋسىنان بايقالىپ تۇرادى قوبالجىعانى, بٸراق بٸلدٸرمەيدٸ.
تەك پولشاعا كەلگەندە كٶڭٸلٸ بوساپ, كٸشكەنە ەموتسيياعا بەرٸلدٸ. الايدا ديپلوماتتارعا ونداي مٸنەز بەلگٸسٸز, سوندىقتان جارتى ساعاتتان كەيٸن "كەشٸرٸم سۇرايمىن, قايتادان قاتاردامىن, تاپسىرما بار ما" دەپ چاتقا جازدى.
لەيلا حانىم, قازاق ديپلوماتيياسىنىڭ بەتكە ۇستار ٶكٸلٸ دەپ تانيمىن سٸزدٸ. تاعى كٸشكەنە ۋاقىتتان كەيٸن ەلدە قاۋىشامىز دەگەن سەنٸمدەمٸن. قىز بالا بولعاندىقتان رەپاترياتسييالىق رەيسپەن ەلگە قايتارىپ جاتىرمىز.
مەن بٸلەتٸن لەيلا بولسا قازاقستانعا كەلٸپ دەمالىپ جاتپاي, سىرتقى ٸستەر مينيسترلٸگٸنە كەلٸپ, ۋكرايناداعى جاعدايعا بايلانىستى قۇرىلعان جۇمىس توبىنىڭ جۇمىسىنا كٸرٸسٸپ كەتەتٸنٸ انىق.
وسى پوست ارقىلى ٶزٸمنٸڭ وسىنداي ەرٸپتەستەرٸممەن تانىستىرىپ, ديپلوماتييا قىزمەتٸنٸڭ قىر-سىرىن ايتايىن دەگەنٸم عوي" - دەپ جازدى ول Facebook پاراقشاسىندا.
