6 قاراشادا تٷنگٸ ساعات 22:00 شاماسىندا كيەۆتٸڭ سۆياتوشينسك اۋدانىندا "مەرسەدەس" كٶلٸگٸ جارىلىپ, بٸر ادام قازا تاپتى, ەكٸ ادام جارالاندى. كۋەگەرلەر سٶزٸنە سٷيەنگەن جەرگٸلٸكتٸ باسىلىمداردىڭ جازۋىنشا, موتوتسيكل ايداعان بەلگٸسٸز ادام كٶلٸكتٸڭ جولاۋشىلار مٸنەتٸن جاعىنان بارىپ, جارىلعىش زات تاستاپ, قاشىپ كەتكەن. سودان كەيٸن كٶلٸك جارىلعان. پوليتسييا "موتوتسيكليستٸڭ قاتىسى بولۋى مٷمكٸن" دەدٸ.
ينتەرنەتتە جارييالانعان ۆيدەودان كٶلٸكتٸڭ تٶبەسٸ جارىلعانى, ەينەگٸ شىتىناپ كەتكەنٸ كٶرٸنەدٸ. پوليتسييا كٷدٸكتٸنٸ ۇستاۋ ٷشٸن ارنايى وپەراتسييا جٷرگٸزدٸ.
قۇپييا دەرەككٶزگە سٷيەنگەن "كيەۆ وپەراتيۆنىي" پورتالى جارىلعان كٶلٸكتٸڭ دەرٸ-دەرمەك كومپانيياسىنىڭ ديرەكتورى يگور سالوعا تيەسٸلٸ ەكەنٸن حابارلادى. وقيعا كەزٸندە ونىڭ كٷزەتشٸسٸ قازا بولعان. ناقتى كٸمدەردٸڭ جارالانعانى بەلگٸسٸز. پوليتسييا تەرگەۋدٸ جالعاستىرىپ جاتىر.
