ۋكراينا كيەۆ وبلىسىنىڭ بۋزوۆايا سەلوسىندا ونداعان بەيبٸت ادام جاپپاي كٶمٸلگەن جەر تابىلعانىن حابارلادى. بۇل ٶڭٸردەن تاياۋدا عانا رەسەي ەسكەرٸ كەتكەن, دەپ جازادى ازاتتىق.
سول ٶڭٸردٸڭ باسشىسى تاراس ديدىچ ۋكراينا تەلەمارافونىندا سٶيلەگەن كەزدە ادام كٶمٸلگەن جەر جانارماي بەكەتٸنە تاياۋ تۇستان شىققانىن حابارلاعان. بۋزوۆايادان ٶتەتٸن نەگٸزگٸ جولدا قالعان ونداعان ماشينا ٸشٸندە دە مەيٸتتەر جاتقانىن ايتقان. Reuters اگەنتتٸگٸ ەزٸرگە بۇل اقپاراتتى ناقتىلاي الماعان.
ۋكراينانىڭ ەسكەرٸ دە رەسەي سولداتتارى جاپپاي جەرلەنگەن ورىندارعا كەز بولعانىن مەلٸمدەدٸ. ۋكراينا قارۋلى كٷشتەرٸنٸڭ ستراتەگييالىق كوممۋنيكاتسييا باسقارماسى رەسەي سولداتتارى كٶمٸلگەن جەر حاركوۆتەن سەگٸز شاقىرىم قاشىقتاعى ولحوۆكا سەلوسىنان تابىلعانىن فوتوسۋرەتتەرمەن كٶرسەتتٸ. بۇل اقپاراتتى راستاۋ, يا بولماسا تەرٸستەۋ سوعىس جاعدايىندا مٷمكٸن ەمەس.
بٸرنەشە اپتا بويى كيەۆتٸ قورشاۋعا الۋعا تالپىنعان رەسەي ەسكەرٸ تاياۋدا عانا شەگٸنگەن. ولار كەتكەننەن كەيٸن بۋچا قالاسىنىڭ كٶشەلەرٸندە بەيبٸت ادامداردىڭ مەيٸتٸ شاشىلىپ جاتقانى بەلگٸلٸ بولعان. ۋكراينا مەن باتىس ەلدەرٸ مۇنى رەسەيدٸڭ ەسكەري قىلمىسى دەپ ايىپتادى, مەسكەۋ تەرٸسكە شىعاردى.
