قازاقستان پوليتسيياسى كٷنٸنە وراي حرومتاۋدا پوليتسييا قىزمەتكەرٸ باسپانالى بولىپ, اۋداندىق بٶلٸمگە كٶلٸك سىيعا بەرٸلدٸ, دەپ حابارلايدى "ۇلت اقپارات".
سامارا-شىمكەنت تاسجولى بويىندا ورنالاسقان حرومتاۋ اۋدانىنىڭ پوليتسييا قىزمەتكەرلەرٸ ٷشٸن قىسى-جازى جۇمىس كٶپ. قاربالاس سەتتە شاقىرۋ ورنىنا جەدەل جەتۋ, قىلمىستىڭ بەتٸن اشۋ, الدىن الۋ جۇمىستارىنا باسىمدىق بەرٸلەدٸ.
اۋدان ەكٸمٸ ازامات بەكەت سالتاناتتى تٷردە اۋداندىق پوليتسييا بٶلٸمٸنٸڭ ينسپەكتورى ەربول ەليەۆكە پەتەر كٸلتٸن تابىستاپ, پوليتسييا قىزمەتكەرلەرٸن قۇتتىقتادى. اۋدان باسشىسى پوليتسييا قىزمەتكەرلەرٸنٸڭ قوعامدىق تەرتٸپتٸ قامتاماسىز ەتۋ جەنە ايماقتاعى كورونوۆيرۋس پاندەميياسىنىڭ تارالۋىنا قارسى كٷرەس جۇمىسىنا قوسقان ەلەۋلٸ ٷلەسٸن اتاپ ٶتتٸ.
«پرەزيدەنت قاسىم-جومارت توقاەۆ جەرگٸلٸكتٸ پوليتسييا قىزمەتٸنٸڭ قادامدىق قولجەتٸمدٸلٸگٸنە كٶشۋ تۋرالى تاپسىرما بەردٸ. اۋدان ەكٸمٸ ازامات بەكەت پوليتسيياعا اۆتوكٶلٸك سىيلادى. بۇل كٶلٸكتٸ بٸز كەزەكشٸ بٶلٸم قىزمەتٸنە بەرەمٸز. سەبەبٸ اۋداندا 28 مىڭنان استام حالىق تۇرادى. بٸز شۇعىل شاقىرۋعا 7 مينۋتتا جەتۋٸمٸز كەرەك. جاڭا تەحنيكا قۇقىقتىق تەرتٸپتٸ قامتاماسىز ەتۋگە, قىلمىستى بولدىرماۋعا سەپتٸگٸن تيگٸزەدٸ دەپ سەنەمٸز.
سونىمەن بٸرگە جىلجىمالى ستاتسيونارلىق بەكەت قولدانىسقا بەرٸلدٸ. ٸشٸندە ارنايى بٶلمەلەرٸ بار. ەرلەر مەن ەيەلدەرگە بٶلەك تٶسەك-ورىن قاراستىرىلعان. قىستا جىلىتىلادى, جازدا سالقىنداتقىش قوسالادى. سامارا-شىمكەنت تاسجولىندا ورنالاسقان حرومتاۋ ٷشٸن ەڭ قاجەتتٸ تەحنيكا. قىستا ادامدار جيٸ جولدا قالادى. جازدا دا كٶمەك كٶرسەتۋگە تۋرا كەلەدٸ. سول سەبەپتٸ جىلجىمالى بەكەتتٸ قالانىڭ ەكٸ شەتٸنە قويۋدى جوسپارلاپ وتىرمىز», - دەدٸ حرومتاۋ پوليتسييا بٶلٸمٸنٸڭ باستىعى قۇرالبەك شارباكوۆ.
سونداي-اق حرومتاۋ اۋدانى كٶكتاۋ اۋىلىندا ۋچاسكەلٸك پوليتسييا پۋنكتٸنٸڭ سالتاناتتى اشىلۋى ٶتتٸ. ۋچاسكەلٸك پوليتسييا پۋنكتٸ كٶكتاۋ اۋىلدىق وكرۋگٸ ەكٸمدٸگٸنٸڭ جاڭا عيماراتىندا ورنالاسقان جەنە قاجەتتٸ كومپيۋتەرلٸك تەحنيكامەن, جيھازبەن جابدىقتالعان.
حرومتاۋ پوليتسييا بٶلٸمٸنٸڭ باستىعى قۇرالبەك شارباكوۆ اۋدان ەكٸمٸنٸڭ قولداۋىنىڭ ارقاسىندا بيىل پوليتسييا قىزمەتٸنٸڭ تيٸمدٸلٸگٸن ارتتىرۋعا, ۆەدومستۆونىڭ ماتەريالدىق-تەحنيكالىق بازاسىن نىعايتۋعا, سونداي-اق جەكە قۇرامنىڭ تۇرعىن ٷي-تۇرمىستىق جاعدايىن جاقسارتۋعا باعىتتالعان شارالار كەشەنٸ ٸسكە اسىرىلعانىن اتاپ ٶتتٸ. اۋدان باسشىسىنا كٶرسەتكەن قولداۋى ٷشٸن العىس ايتىپ, پوليتسييا الدىنا قويىلعان بارلىق مٸندەتتەردٸڭ ورىندالاتىنىنا سەندٸردٸ.
سالتاناتتى شاراعا ٸشكٸ ٸستەر ورگاندارىنىڭ ارداگەرلەرٸ مەن جەرگٸلٸكتٸ اتقارۋشى ورگان ٶكٸلدەرٸ دە قاتىستى.
«پاندەمييا كەزٸندە ەكٸ قىزمەتكەر كٶز جۇمدى. بٷگٸن ولاردىڭ جەسٸرلەرٸنە بارىپ, ارنايى قۇتتىقتاۋىمىزدى ارنادىق. قىزمەت بارىسىندا كٶز جۇمعان قىزمەتكەرلەرگە ارنالعان ەسكەرتكٸشكە گٷل قويدىق. ولار بەيبٸت كٷننٸڭ باتىرلارى», - دەدٸ قۇرالبەك شارباكوۆ.
ايتا كەتەيٸك, اۋداندىق پوليتسييا بٶلٸمٸندە 121 قىزمەتكەر بار. ەر ازاماتتارمەن قاتار ەيەلدەر دە قاتار قىزمەت ەتٸپ جٷر.
