قۇرلىقتىق حوككەي ليگاسى اياسىندا ەلوردالىق «بارىس» بٷگٸن, 5 اقپاندا رەسەيدە «Cيبير» (نوۆوسٸبٸر) كومانداسىمەن كەزدەستٸ, دەپ حابارلايدى قازاقپارات تٸلشٸسٸ.
پلەي-وفف كەزەڭٸ جاقىنداپ كەلەدٸ. كوماندالار وعان شىعۋعا كٷش سالىپ وتىر. «بارىس» تا بيىل سولاردىڭ قاتارىنا قوسىلۋعا نيەت تانىتىپ جٷرگەن جايى بار. ەلوردالىق كلۋب سوڭعى بەس كەزدەسۋدٸڭ تٶرتەۋٸندە جەڭٸلٸپ قالدى. بۇل تۋرنير كەستەسٸندە جوعارى ورىنعا كٶتەرٸلۋگە ەدەۋٸر كەدەرگٸسٸن كەلتٸرەتٸنٸ انىق.
سوندىقتان «بارىس» بٷگٸنگٸ كەزدەسۋدە جيناقى ويىن كٶرسەتۋگە تىرىستى. الايدا, العاشقى ەكٸ شايبانى ايدىن يەلەرٸ سوعىپ كەتتٸ. «Cيبير» ساپىنان يۋركي يوكيپاككا 14, ۆيكتور كوماروۆ 23-مينۋتتاردا مەرگەندٸگٸمەن كٶزگە تٷستٸ.
وعان «بارىس» ساپىنان ماكسيم مۋسوروۆ 24, كيريلل پانيۋكوۆ 46-مينۋتتاردا قوس گولمەن جاۋاپ قايىردى. وسىلايشا تارازى باسى تەڭەستٸ. ال 48-مينۋتتا دجەسسي بلەكەر ەلوردالىق كلۋبتى العا شىعاردى.
وسىلايشا «بارىس» قارسىلاسىنان 3:2 ەسەبٸمەن باسىم تٷستٸ. قازاقستاندىق كلۋب پلەي-وفف كەزەڭٸنە جولداما الدى.
ەندٸ «بارىس» 7 اقپاندا رەسەيدە «مەتاللۋرگ» (ماگنيتوگورسك) كومانداسىمەن كەزدەسەدٸ. قازاقستاندىق كوماندا اتالعان قارسىلاسىنان 3 اقپاندا 1:3 ەسەبٸمەن جەڭٸلٸپ قالعان ەدٸ.
