قۇرلىقتىق حوككەي ليگاسىنىڭ پلەي-وفف ساتىسىندا ەلوردالىق «بارىس» بٷگٸن, 4 ناۋرىزدا رەسەيدە «مەتاللۋرگ» (ماگنيتوگورسك) كومانداسىمەن ەكٸنشٸ ويىنىن ٶتكٸزدٸ, دەپ حابارلايدى قازاقپارات تٸلشٸسٸ.
ەستەرٸڭٸزگە سالا كەتەلٸك, پلەي-وفف ساتىسىنىڭ العاشقى ويىنىندا رەسەيلٸك كلۋب 7:3 ەسەبٸمەن باسىم تٷستٸ.
بٷگٸنگٸ كەزدەسۋدە قوس كوماندا شابۋىلمەن بٸرگە قورعانىسقا دا كٶڭٸل بٶلدٸ. نەتيجەسٸندە العاشقى ەكٸ كەزەڭدە كوماندالار بٸر-بٸرٸنٸڭ قاقپاسىنا نەبەرٸ ەكٸ شايبا سوقتى.
ويىننىڭ 11-مينۋتىندا «بارىس» حوككەيشٸسٸ كيريلل پانيۋكوۆ ٶز كومانداسىن العا شىعاردى. ال 28-مينۋتتا «مەتاللۋرگ» ساپىنان اندرەي نەستراشيل تارازى باسىن تەڭەستٸردٸ.
نەگٸزگٸ كەزەڭ 1:1 ەسەبٸمەن تەڭ اياقتالىپ, ويىن وۆەرتايمعا ۇلاستى. وۆەرتايمدا جەڭٸس شايباسىن داررەن ديتس سوعىپ, قازاقستاندىق كلۋبقا جەڭٸس سىيلادى. «بارىس» قارسىلاسىن 2:1 ەسەبٸمەن جەڭٸسكە جەتتٸ. ويىندار سەريياسىندا ەسەپ 1:1 ەسەبٸمەن تەڭەستٸ.
ەندٸ 6 جەنە 8 ناۋرىز كٷندەرٸ ويىندار ەلوردادا بولادى. قاجەت بولعان جاعدايدا قوسىمشا ويىندار 10, 12, 14 ناۋرىز كٷندەرٸ ٶتكٸزٸلەدٸ.
ەكٸ كوماندا بۇعان دەيٸن پلەي-وفف ساتىسىندا ەكٸ مەرتە جولىقتى. ونىڭ ەكەۋٸندە «مەتاللۋرگتٸڭ» جولى بولسا, بٸرەۋٸندە «بارىس» اتالعان قارسىلاسىن قاپى قالدىرىپ كەتتٸ.
ايتا كەتەرلٸگٸ, «بارىس» قۇرلىق حوككەي ليگاسىنا بيىل 13 مەرتە قاتىستى. سونىڭ ون بٸرٸندە پلەي-وفف ساتىسىندا باق سىنادى. 2014, 2017, 2019, 2020 جىلداردا جارىستىڭ ەكٸنشٸ كەزەڭٸنە شىقتى.
