قۇرلىقتىق حوككەي ليگاسى اياسىندا «بارىس» بٷگٸن, 4 قاڭتاردا رەسەيدە «امۋر» (حاباروۆسك) كومانداسىمەن كەزدەستٸ, دەپ حابارلايدى "ۇلت اقپارات".
بٷگٸنگٸ ويىن تارتىستى ٶتتٸ. قوس كوماندا بٸر-بٸرٸنٸڭ قاقپاسى ماڭىندا جيٸ شابۋىلدادى. ەكەۋٸ نەگٸزگٸ كەزەڭدە بٸر-بٸرٸنٸڭ قاقپاسىنا تٶرت-تٶرتتەن شايبا سوقتى. جەڭٸمپاز بۋلليت سەريياسىنان انىقتالدى.
ەسەپتٸ العاش بولىپ «بارىس» كومانداسى اشتى. ەلوردالىق كلۋب ساپىنان 12-مينۋتتا مەتت فرەتتين مەرگەندٸك تانىتتى. بۇدان كەيٸن «امۋر» حوككەيشٸلەرٸ الەكساندر پولۋنين 14, دميتريي لۋگين 17-مينۋتتا گول سوعىپ كەتتٸ.
ەكٸنشٸ كەزەڭنٸڭ 27-مينۋتتا رەسەيلٸك كوماندا ساپىنان ميحال يوردان ەسەپتٸ ٷستەمەلەي تٷستٸ. ەندٸگٸ كەزەكتە ەلوردالىق پاۆەل اكولزين 32, رومان ستارچەنكو 34-مينۋتتاردا قاقپانى دەل كٶزدەپ, قايتادان تارازى باسى تەڭەستٸ.
ٷشٸنشٸ كەزەڭدە دە ەكٸ كوماندا بٸر-بٸرٸنٸڭ قاقپاسىنا شايبا سوعىپ كەتتٸ. رەسەيلٸك سەرگەي تەرەششەنكو 52-مينۋتتا «امۋردى» العا شىعارسا, كٶپ ۇزاماي نيكيتا ميحايليس شەبەرلٸك تانىتتى. وسىلايشا نەگٸزگٸ كەزەڭ 4:4 ەسەبٸمەن تەڭ اياقتالىپ, وۆەرتايمعا ۇلاستى. وۆەرتايمدا جەڭٸمپاز انىقتالعان جوق. بۋلليتتەر سەريياسىندا رومان ستارچەنكو قورىتىندى ەسەپتٸ بەلگٸلەدٸ. ويىندا «بارىس» 5:4 ەسەبٸمەن جەڭٸسكە جەتتٸ.
«بارىس» ەندٸ 6 قاڭتاردا حاباروۆسكٸدە «امۋرمەن» تاعى بٸر مەرتە مەرتە شەبەرلٸك بايقاسادى.
