بيىل قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنە 30 جىل تولدى. وقۋ ورنى ٷشٸن ايتۋلى مەرەيتويدى اتاپ ٶتۋ بىلتىردان بەرٸ قولعا الىنىپ, تٷرلٸ دەڭگەيدەگٸ اۋقىمدى ٸس-شارالار ٶتكٸزٸلٸپ كەلەدٸ. ال بٷگٸن ۋنيۆەرسيتەت ۇجىمى تٷركٸستاننىڭ تٶرٸندە كەڭ كٶلەمدە گالا-كونتسەرت ۇيىمداستىرىپ, جىل كٶلەمٸندە ٸستەلگەن جۇمىستاردىڭ نٷكتەسٸن قويدى. بۇل تۋرالى وبلىس ەكٸمدٸگٸنٸڭ باسپاسٶز قىزمەتٸ حابارلادى.
احمەت ياساۋي ۋنيۆەرسيتەتٸ باۋىرلاس تٷركييا رەسپۋبليكاسىمەن بەكەم ىنتىماقتاستىق نەتيجەسٸندە تٷركٸ ەلەمٸنٸڭ ورتاق بٸلٸم-عىلىم شاڭىراعىنا اينالدى. سوندىقتان دا ۋنيۆەرسيتەت تاريحىنداعى ماڭىزدى شارانى بٸرگە اتاپ ٶتۋ ٷشٸن قازاقستان مەن بٷكٸل تٷركٸ ەلەمٸنەن قوناقتار قاتىستى. قر عىلىم جەنە جوعارى بٸلٸم ۆيتسە-مينيسترٸ قۋانىش ەرعاليەۆ, تٷركٸستان وبلىسىنىڭ ەكٸمٸ دارحان ساتىبالدى, تٷركييا رەسپۋبليكاسىنىڭ شەتەلدٸك تٷرٸكتەر جەنە باۋىرلاس ۇلتتار باسقارماسىنىڭ تٶراعاسى ابدۋللاح ەرەن, تٷركٸ مەملەكەتتەرٸ ۇيىمى باس حاتشىسىنىڭ ورىنباسارى ٶمەر قوجامان, تٷركٸستان وبلىسىنىڭ زييالى قاۋىم ٶكٸلدەرٸ, سونداي-اق تٷركٸ ەلەمٸ مەن قازاقستاندىق ۋنيۆەرسيتەتتٸڭ باسشىلارى, ۋنيۆەرسيتەت ۇجىمى, تٷلەكتەر مەن ستۋدەنتتەر جينالدى.
ٸس-شارا اياسىندا «ۋنيۆەرسيتەت جەتٸستٸكتەرٸ» كٶرمەسٸ ۇيىمداستىرىلىپ, وندا ۋنيۆەرسيتەتتٸڭ 30 جىلدا جەتكەن جەتٸستٸكتەرٸ, عىلىمي ٶنەرتابىستارى, قوعامعا پايدالى بولۋ ماقساتىندا جاساعان جوبالارى, ستۋدەنتتەردٸڭ شىعارماشىلىق ەڭبەكتەرٸ كٶرسەتٸلدٸ.
ال نەگٸزگٸ گالا-كونتسەرتتٸڭ شىمىلدىعىن ۋنيۆەرسيتەت رەكتورى جانار تەمٸربەكوۆا مەن رەكتور ٶكٸلٸ جەنگيز تومار اشىپ, جينالعان كٶپشٸلٸككە ەرەكشە العىسىن ايتتى. وقۋ ورنى باسشىلارى 30 جىل جٷرٸپ ٶتكەن بەلەستەگٸ نەگٸزگٸ دٷنيەلەردٸ تٸلگە تيەك ەتتٸ.
تٷركٸستان وبلىسىنىڭ ەكٸمٸ دارحان ساتىبالدى «تٷركٸستاننىڭ رۋحاني ورتالىق بولۋىنا قوجا احمەت ياساۋي بابامىزدىڭ ٷلەسٸ مول. ال وسىنداي ويشىل, عۇلامانىڭ اتىن يەلەنگەن ۋنيۆەرسيتەت تٷركٸستاننىڭ عانا ەمەس, بارلىق تٷركٸ ەلدەرٸنٸڭ مەدەنيەتٸنە, بٸلٸم مەن عىلىم سالاسىنىڭ دامۋىنا زور ٷلەس قوسىپ كەلەدٸ», دەي كەلە قر پرەزيدەنتٸ قاسىم-جومارت توقاەۆتىڭ قۇتتىقتاۋ حاتىن وقىپ بەردٸ.
ال ٸس-شاراعا ارنايى كەلگەن قر عىلىم جەنە جوعارى بٸلٸم ۆيتسە-مينيسترٸ قۋانىش ەرعاليەۆ ۋنيۆەرسيتەتتٸڭ ەلٸمٸزدەگٸ بٸلٸم مەن عىلىم سالاسىنىڭ دامۋىنا ٶلشەۋسٸز ٷلەس قوسىپ كەلە جاتقانىن ايتىپ, مينيستر ساياسات نۇربەكتٸڭ ارنايى قۇتتىقتاۋىن جەتكٸزدٸ.
«بۇل ۋنيۆەرسيتەتتٸ تەۋەلسٸزدٸگٸمٸزدٸڭ جارشىسى, باۋىرلاس تٷركٸ ەلدەرٸ اراسىنداعى بەرٸك ىنتىماقتاستىقتىڭ نىشانى دەپ بٸلەمٸن. زامان تالابىنا ساي دامىپ, تٷركٸ تٸلدەس ۇلتتاردان جينالعان جاستارعا دەيەكتٸ بٸلٸم بەرٸپ, تەربيەلەپ, سارا جولعا سالعان, ٶزٸندٸك برەندٸ قالىپتاسقان وقۋ ورنى 30 جىل ٸشٸندە ٶتە بيٸك تابىستارعا قول جەتكٸزدٸ», دەپ جازعان قۇتتىقتاۋ سٶزٸندە ساياسات نۇربەك.
بۇدان سوڭ وقۋ ورنىنىڭ باسشىلارى بٸر توپ مەملەكەتتٸك ورگانداردىڭ باسشىلارىنا ۋنيۆەرسيتەتتٸڭ 30 جىلدىق ارنايى تٶسبەلگٸسٸن تابىستادى. ال حالىقارالىق تٷركسوي ۇيىمى ۋنيۆەرسيتەتكە ەڭبەگٸ سٸڭگەن وقىتۋشىلاردىڭ كەۋدەسٸنە احمەت بايتۇرسىنۇلى اتىنداعى مەدالدٸ تاقتى.
شارا ەرٸ قاراي مەرەكەلٸك كونتسەرتكە ۇلاسىپ, ۋنيۆەرسيتەت ستۋدەنتتەرٸ مەن وقىتۋشىلارى «قوجا احمەت ياساۋي» قويىلىمىن ساحنالاپ, جينالعان كٶپشٸلٸككە ەندەر مەن بيلەردەن شاشۋ شاشتى.
