Midjourney نەيرون جەلٸسٸ ارقىلى جاسالعان كەسكٸن
وقۋ-اعارتۋ مينيسترٸ عاني بەيسەمباەۆ حيدجاب كييۋٸنە بايلانىستى ساباققا بارماي جٷرگەن وقۋشى قىزدار تۋرالى ساۋالعا جاۋاپ بەردٸ, دەپ حابارلايدى Kazinform اگەنتتٸگٸ.
بٷگٸن ٷكٸمەت وتىرىسىنان كەيٸنگٸ بريفينگتە باق ٶكٸلدەرٸ مينيستردەن «اتىراۋ وبلىسىندا 150 قىزدىڭ مەكتەپكە بارماي جٷرگەنٸ تۋرالى ناقتى اقپارات بار. ٶيتكەنٸ, ولار حيدجابپەن جٷرەدٸ, كٸرگٸزبەيدٸ. ٶزگە ٶڭٸرلەر بويىنشا اقپارات بار ما?» دەپ سۇراعان ەدٸ.
عاني بەيسەمباەۆ جاڭا وقۋ جىلى باستالعان كەزدە حيدجاپ كيگەن وقۋشى قىزداردىڭ سانى 150-دەن دە كٶپ بولعانىن جاسىرعان جوق.
دەگەنمەن, ولاردىڭ اتا-اناسىمەن تٷسٸندٸرۋ جۇمىسى جٷرگٸزٸلگەنٸن اتاپ ٶتتٸ.
«مەكتەپ بالالاردىڭ ساپالى بٸلٸم مەن تەربيە الۋعا ارنالعانىن جاقسى بٸلەسٸزدەر. سوندىقتان اتا-انالار تٷسٸنٸپ, قابىلداي باستادى. قازٸرگٸ ۋاقىتتا بۇل مەسەلە شەشٸلدٸ. مەندەگٸ اقپاراتقا سەيكەس, باسقا ٶڭٸرلەردە ورامال تاعاتىن وقۋشىلار جوق», — دەدٸ مينيستر.
وسى رەتتە باق ٶكٸلدەرٸ ەلٸمٸزدە مەكتەپكە حيدجابپەن بارىپ جٷرگەن بٸر دە بٸر وقۋشىنىڭ جوقتىعىن تاعى دا ناقتىلاپ سۇرادى.
«باسىندا پروبلەما بولدى. بٷگٸندە مەسەلە تولىعىمەن شەشٸلدٸ. اتا-انالار مەكتەپتٸڭ ەڭ بٸرٸنشٸ مٸندەتٸ — ساپالى بٸلٸم مەن تەربيە بەرۋ ەكەندٸگٸن تٷسٸنە باستادى. بٸز بٸرٸنشٸسٸن ەكٸنشٸسٸمەن شاتاستىرماۋىمىز كەرەك», — دەدٸ عاني بەيسەمباەۆ.
