Midjourney نەيرون جەلٸسٸ ارقىلى جاسالعان كەسكٸن
ەدٸلەت ۆيتسە-مينيسترٸ الما مۇقانوۆا قوعامدا تالقىلانىپ جاتقان حيدجاب مەسەلەسٸنە تٷسٸنٸك بەردٸ, دەپ حابارلايدى Kazinform اگەنتتٸگٸ.
«بۇل مەسەلەگە قاتىستى قوعامدا بٸراز پٸكٸرتالاس جٷرٸپ جاتىر. تٸپتٸ, حالىقارالىق تەجٸريبەگە نازار اۋدارساڭىز, ەلەم ەلدەرٸندە دە وسىنداي جاعداي. وعان تىيىم سالعان ەلدەر دە, رۇقسات بەرگەندەر دە بار. كٶرشٸ تۇرعان ٶزبەكستان مەن قىرعىزستاننىڭ تەجٸريبەسٸن الىپ قاراساق تا, بۇل مەسەلەلەر قازٸردٸڭ ٶزٸندە ولاردىڭ پارلامەنتٸندە قىزۋ تالقىلانىپ جاتىر. قاتەلەسپەسەم, كەي كٶرشٸلەر بۇل تىيىمدى زاڭداستىرىپ قويعان», - دەدٸ مۇقانوۆا تٸلشٸ سۇراعىنا جاۋاپ بەرە وتىرىپ.
بۇل تۇرعىدا ول ەلٸمٸزدە دٸن ۇستانۋ قۇقىعىنا ەشقانداي شەكتەۋ جوق ەكەنٸن, ياعني وسى باعىتتا كونستيتۋتسييالىق قۇقىق بار ەكەنٸن ايتتى.
دەگەنمەن قوعامدىق قاۋٸپسٸزدٸك مەسەلەسٸنە قاتىستى تيٸستٸ شەكتەۋلەر بويىنشا بٸرقاتار نورما ەنگٸزٸلۋٸ مٷمكٸن.
«جالپى, وسىنداي مەسەلە كٶتەرٸلٸپ, تيٸستٸ نورمالاردى قاراستىرۋ ۇسىنىمى ەنگٸزٸلسە, بٸز مۇنى تاعى دا زاڭ تۇرعىسىنان زەردەلەيمٸز», - دەدٸ ۆيتسە-مينيستر.
سونداي-اق ول ورامال تاعۋعا تىيىم سالىنۋىنا بايلانىستى قىزداردىڭ وقۋ ورنىنا بارۋدان باس تارتقانى جايلى ۆيدەوروليكتەرگە پٸكٸر بٸلدٸردٸ.
«جالپى, بۇل سالاداعى ٸس-قيمىلدار رەگلامەنتتەلگەن. بٸلٸم بەرۋ ۇيىمدارىندا تيٸستٸ شەكتەۋ بار. وسى تاقىرىپتا بٸرقاتار لاۋازىمدى ادام تٷسٸنٸك بەرگەن», - دەدٸ مۇقانوۆا.
