باتىس قازاقستان وبلىستىق پوليتسييا دەپارتامەنتٸنٸڭ باسپاسٶز قىزمەتٸ حانكٶلدەگٸ «سارى قىزدىڭ» ەلەسٸنە قاتىستى جٷرگٸزٸلگەن تەكسەرٸس نەتيجەسٸن مەلٸم ەتتٸ, دەپ حابارلايدى "ۇلت اقپارات".
قاراتٶبە اۋدانى حانكٶل اۋىلىنىڭ تۇرعىندارى ەلەۋمەتتٸك جەلٸ ارقىلى ەلدٸ مەكەن ماڭىندا «سارى قىزدىڭ» ەلەسٸ پايدا بولعانى جٶنٸندە اقپارات تاراتقان بولاتىن.
وسىعان وراي, وبلىستىق پوليتسييا دەپارتامەنتٸ باسشىسىنىڭ تاپسىرماسىنا سەيكەس قاراتٶبە اۋداندىق پوليتسييا بٶلٸمٸنٸڭ قىزمەتكەرلەرٸ تەكسەرٸس جٷرگٸزدٸ.
اۋىلعا باراتىن بارلىق جولدار ۆيدەوعا تٷسٸرٸلدٸ.
انىقتالعانداي, ەلەس قىزعا بايلانىستى تارالعان ۆيدەوداعىداي جول مەن اعاشتار اتالعان اۋىل اۋماعىندا جوق.
سونىمەن قاتار پوليتسييا قىزمەتكەرلەرٸ اۋىل تۇرعىندارىمەن كەزدەسٸپ, ساۋالناما جٷرگٸزدٸ. ۆيدەودا كٶرسەتٸلگەن دەرەكتٸ ەشقايسىسى راستامادى. بەرٸ دە مۇنداي ەلەستٸ كٶرمەگەنٸن, ٶزدەرٸن ەشكٸم مازالاماعانىن ايتادى.
سونداي-اق اتالعان ۆيدەونىڭ قازاقستانعا ەش قاتىسى جوق ەكەندٸگٸ جٶنٸندە اقپارات بار. بۇل ۆيدەو 2019 جىلى رەسەيدٸڭ ەلەۋمەتتٸك جەلٸلەرٸندە ەلدەنەشە رەت تارالىپ, وندا تٷرلٸ ايماقتار كٶرسەتٸلگەن.
قاراتٶبە اۋدانى پوليتسييا بٶلٸمٸنٸڭ باستىعى مٸندەتٸن اتقارۋشى مامان يساعاليەۆتٸڭ ايتۋىنشا, ۆيدەونىڭ حانكٶل ەلدٸ مەكەنٸنە ەش قاتىسى جوق. ول وسىدان 11 اي بۇرىن Youtube كانالىنا اندرەەۆيچ دەگەن لاقاپ ەسٸممەن جٷكتەلگەنٸ انىقتالدى.
«حانكٶلدەن سامارا-شىمكەنت كٷرە جولىنا دەيٸنگٸ جول تەكسەرٸلدٸ. جول جيەگٸندە تىعىز ورنالاسقان تال-تەرەكتٸڭ جوقتىعى دا ۆيدەونىڭ جالعان ەكەندٸگٸن دەلەلدەيدٸ. سوندىقتان اۋدان جەنە اۋىل تۇرعىندارىنان جالعان اقپاراتقا سەنبەۋدٸ جەنە تاراتپاۋدى ٶتٸنەمٸز», - دەدٸ م.يساعاليەۆ.
