فوتو: Ammar Awad/Reuters
پالەستينالىق "حاماس" قوزعالىسىنىڭ ەسكەري قاناتى بولىپ تابىلاتىن "ەل-كاسسام" بريگادالارى تەل-اۆيۆتەگٸ بەن گۋريون حالىقارالىق ەۋەجايى باعىتىندا زىمىراندار ۇشىرىلعانىن مەلٸمدەدٸ, دەپ حابارلايدى ريا نوۆوستي اگەنتتٸگٸ.
"ەل-كاسسام" بريگادالارى جالعاسىپ جاتقان قىلمىستار مەن ازاماتتاردىڭ ٷيلەرٸنە جاسالعان شابۋىلدارعا جاۋاپ رەتٸندە بەن گۋريون ەۋەجايىنا زىمىرانمەن جاپپاي وق جاۋدىردى", - دەپ جازىلعان حاماستىڭ ەسكەري قاناتى تاراتقان مەلٸمدەمەدە.
سونىمەن قاتار بريگادالار يزرايلدٸڭ وڭتٷستٸگٸندەگٸ اشكەلون قالاسىنا قاراي 100 زىمىران باعىتتالعانىن حابارلادى.
ال يزرايل ارميياسى ەلدٸڭ ورتالىعىندا زىمىران شابۋىلى تۋرالى ەسكەرتەتٸن دابىل قۇرىلعىلارى ٸسكە قوسىلعانىن مەلٸمدەدٸ.
ايتا كەتەيٸك, پالەستينالىق حاماس قوزعالىسىنىڭ ەسكەري قاناتى سەنبٸ كٷنٸ يزرايلگە قارسى "ەل-اقساداعى توپان سۋ" وپەراتسيياسىن جارييالادى.
ال يزرايل قورعانىس كٷشتەرٸ گازا سەكتورىندا حاماسقا قارسى "تەمٸر سەمسەرلەر" وپەراتسيياسىن باستاعانىن حابارلادى. يزرايل پرەمەر-مينيسترٸ بينيامين نەتانياحۋ حالىققا ٷندەۋٸندە ەلدٸڭ سوعىس جاعدايىندا ەكەنٸن ايتىپ, رەزەرۆتەردٸ كەڭٸنەن جۇمىلدىرۋدى تاپسىرعانىن مەلٸمدەدٸ.
Jerusalem Post گازەتٸ پالەستينالىق-يزرايلدٸك قاقتىعىستىڭ شيەلەنٸسۋٸ كەزٸندە يزرايلدە قازا تاپقاندار سانى 300-دەن اسقانىن, 1,5 مىڭنان استام ادامنىڭ زارداپ شەككەنٸن جازدى. پالەستينا دەنساۋلىق ساقتاۋ مينيسترلٸگٸنٸڭ سوڭعى مەلٸمەتٸ بويىنشا, يزرايلدٸڭ گازا سەكتورىنا جاسالعان سوققىلار سالدارىنان قازا تاپقاندار سانى 232-گە جەتكەن, 1,7 مىڭعا جۋىق ادام جاراقات العان.
قازاقستاننىڭ سىرتقى ٸستەر مينيسترلٸگٸ تاراپتاردى "تەك ەكٸ مەملەكەت اراسىنداعى عانا ەمەس, جالپى تاياۋ شىعىستاعى جاعدايدىڭ ودان ەرٸ شيەلەنٸسۋٸنە ەكەلەتٸن ەرەكەتتەرگە بارماۋعا" شاقىردى.
