قازاقستان رەسپۋبليكاسى پارلامەنتٸ مەجٸلٸسٸنٸڭ دەپۋتاتى گٷلنار بيجانوۆا ينتەرنەت نەمەسە تەلەفون قوڭىراۋى ارقىلى جاسالعان الاياقتىققا توسقاۋىل قويۋ مەسەلەسٸن كٶتەردٸ, دەپ حابارلايدى قازاقپارات.
«زاڭ جوباسىنىڭ تانىستىرىلىمىنان , ٶكٸنٸشكە قاراي, تۇتىنۋشىلاردىڭ قۇقىعى بۇزىلاتىن ەكٸ ماڭىزدى مەسەلەنٸ كٶرە المادىم. بۇل - ينتەرنەتتەگٸ ساۋدا جەنە ينتەرنەت ارقىلى جاسالاتىن الاياقتىق. بۇل سونداي-اق جىپىرلاپ شىعا بەرەتٸن جارناما, ۇيالى بايلانىس وپەراتورلارىنىڭ دەربەس دەرەكتەرٸنە قول جەتكٸزۋ, جۇمىس ۋاقىتىندا تٷسٸنٸكسٸز ديستريبيۋتورلاردىڭ ەرتٷرلٸ ۇتىس ۇتىپ العانىڭىزدى ايتىپ, باس قاتىراتىن شەكسٸز قوڭىراۋلار مەسەلەسٸ قامتىلماپتى», - دەدٸ مەجٸلٸس دەپۋتاتى ساۋدا جەنە ينتەگراتسييا ۆيتسە-مينيسترٸ قايرات تٶرەباەۆقا قاراتا.
ونىڭ ايتۋىنشا, الاياقتىقتىڭ بۇل تٷرٸنەن زارداپ شەگٸپ جاتقان ادامدار تىم كٶپ.
«ەڭ باستىسى, ەر سٶزگە سەنٸپ قالاتىن زەينەتكەرلەرٸمٸز جيٸ زارداپ شەگٸپ جاتىر. ادامدار ميلليوندار اينالىمىنا اقشا اۋدارادى. سٸز سونداي-اق ٶز بايانداماڭىزدا بارلىق ساتىدا سوتتىق رەتتەۋ قولجەتٸمدٸ بولاتىنىن ايتىپ قالدىڭىز. الايدا مۇنداي جاعدايدا شەتەلدەگٸلەرگە الدانىپ قالىپ جاتقاندار دا بار. زاڭ جوباسى بۇل مەسەلەنٸ قالاي رەتتەيدٸ?» - دەپ سۇرادى گ. بيجانوۆا.
بۇل سۇراققا جاۋاپ بەرگەن قايرات تٶرەباەۆ تۇتىنۋشىلار قۇقىعىن قورعاۋ جٷيەسٸ حالىقتىڭ بارلىق ساناتىن قامتيتىنىنا سەندٸردٸ.
«ينتەرنەتتەگٸ ساۋدا - ٶتە كٷردەلٸ قۇبىلىس. بٸز حالىقارالىق تەجٸريبەنٸ ارنايى زەرتتەپ كٶردٸك. بٸراق ٶكٸنٸشكە قاراي باسقا ەلدەردە دە, قازاقستاندا دا ورتاق امال-ەدٸس قالىپتاسقان جوق. ەيتسە دە ايتقانىمداي بٸزدە اقپاراتتىق جٷيە بولادى. بارلىق شاعىمدى سوعان تٸركەيمٸز. ەگەر جٷيەلٸك پروبلەمالار بولسا, بٸز مۇنداي سايتتاردى بۇعاتتاۋ نەمەسە ولاردىڭ قۇقىعىن بۇزاتىن ساتۋشىلارمەن بايلانىس ورناتۋ مەسەلەسٸن كٶتەرەمٸز», - دەدٸ ۆيتسە-مينيستر.
قايرات تٶرەباەۆ قازاقستان ٶز كەزەگٸندە ٶزگە ەلدەردٸڭ زاڭناماسىنا ىقپال ەتە المايتىنىن جەتكٸزدٸ.
«ياعني ەگەر ساتۋشى رەسەيدە, ال ساتىپ الۋشى قازاقستاندا بولسا, وندا مەسەلەنٸ حالىقارالىق ىنتىماقتاستىق ارقىلى شەشۋ كەرەك. بٸز ٶز بيزنەسٸنٸڭ سۋبەكتٸلەرٸ ٷشٸن جاۋاپ بەرەتٸن شەت مەملەكەتتٸڭ بيلٸك ورگاندارىمەن كەلٸسسٶز جٷرگٸزەتٸن بولامىز. بۇل - ٶتە كٷردەلٸ مەسەلە», - دەپ تٷيدٸ ۆيتسە-مينيستر.
