قازاقستاننىڭ جەتەكشٸ ينفەكتسيونيسٸ ديناگٷل باەشەۆا قازاقستاندىقتاردى كارانتين شارالارىن ساقتاۋعا شاقىردى, دەپ حابارلايدى قازاقپارات.
«بۇل – تولقىن ەمەس, ٷردٸستٸڭ اعىمى ٸسپەتتەس. ادامداردىڭ ٶزٸ باسقارادى بۇل پروتسەستٸ. جوق بولۋى دا, تىڭ قارقىنمەن ٷدەپ كەتۋٸ دە مٷمكٸن. بٸر-بٸرٸمٸزگە ۆيرۋستى قانشالىقتى تاراتاتىنىمىزعا بايلانىستى. مەسەلەن قاتاڭ شارالار قابىلدانعان, ٷيدەن شىعارماعان كەزەڭدٸ الىپ قارايىق. سول كەزدە ۆيرۋستىڭ ادامنان ادامعا تارايتىنى كٶپ ايتىلدى. كٶشەدە جىلى ما, سۋىق پا, اياز با, اپتاپ ىستىق پا – ۆيرۋسقا بەرٸبٸر. سەبەبٸ ول ادام ارقىلى تارايدى», - دەدٸ ديناگٷل باەشەۆا تەلەفون ارقىلى قازاقپارات تٸلشٸسٸنە.
ول مامىر ايىندا تج رەجيمٸ الىنىپ تاستالىپ, كارانتين ەنگٸزٸلگەنٸن ەسكە سالدى.
«ادامدار جاعدايدى ەلٸ تولىق تٷسٸنبەدٸ. بەلكٸم, بٸزدٸڭ ەلدە مۇنداي ٸندەتتٸڭ بۇرىن بولماعانى دا, مۇنداي شارالاردىڭ ەشقاشان قابىلدانباعانى دا سەبەپ بولعان شىعار. ال مەسەلەن سينگاپۋر, وڭتٷستٸك كورەيا سەكٸلدٸ ەلدەر SARS-تى دا, MARS-تى دا ٶتكەرگەن. بٸر اۋىز سٶز ايتسا بولدى, ولار دەرٸگەرلەر مەن ەپيدەميولوگتاردىڭ كەڭەسٸن بۇلجىتپاي ورىندايدى. بٸزدە حالىقتىڭ جارتىسى شۋ كٶتەردٸ. اشتان ٶلگەنشە اۋرۋدان ٶلەيٸك دەگەندەر دە بار. قالعانى ۆيرۋستىڭ جوقتىعىن ايتىسىپ, مەملەكەت مۇنى ەدەيٸ ٸستەپ وتىر دەپ ەڭگٸمە تاراتتى. ياعني ەركٸم اۋزىنا كەلگەنٸن ايتتى. 1 ماۋسىمدا كارانتين مەن تج رەجيمٸ الىنىپ تاستالىپ ەدٸ, بەرٸ كٶشەگە شىعىپ, قوعامدىق ورىنداردى ارالاپ كەتتٸ», - دەيدٸ ينفەكتسيونيست.
ديناگٷل باەشەۆانىڭ سٶزٸنشە مىڭداعان ادام بازارعا شىعىپ, قىدىرىپ كەتكەن.
«ادامدار ەشتەڭەنٸ تىڭدامادى, اقپاراتتى قابىلدامادى. اقىرى بٸر اپتادا عانا ناۋقاستار كٷرت كٶبەيٸپ, اۋرۋدى اۋىر كٶتەرەتٸندەر دە ٶسٸپ كەتتٸ. مۇنىڭ بەرٸ – ينكۋباتسييالىق كەزەڭنٸڭ اياقتالۋىنان بولدى. ەشتەڭەگە سەنبەي, بٸر-بٸرٸمەن بايلانىستا, قارىم-قاتىناستا بولعاندار كٶبەيدٸ. شارا ۇيىمداستىرىپ, ادامدارمەن بايلانىستى ٷزبەگەن سول ادامداردىڭ بٸرازى قازٸر اۋىر كٷيدە جاتىر. بۇرىن قابىلدانعان شارالاردىڭ بەرٸ بٸر سەتتە قيراپ, اۋرۋلاردىڭ سانى كٷرت ارتىپ كەتتٸ», - دەدٸ ديناگٷل باەشەۆا.
