فوتو: الماتى ەكٸمدٸگٸ
2022-2024 جىلدارى الماتى تۇرعىندارىنىڭ ٶتٸنٸشٸ بويىنشا جالپى سوماسى 39,1 ملرد تەڭگەگە 938 جوبا ٸسكە اسىرىلدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە قالا ەكٸمٸ ەربولات دوساەۆ مەلٸمدەدٸ, دەپ حابارلايدى Ult.kz.
ونىڭ ايتۋىنشا, بۇل جوبالاردىڭ بارلىعى قالا تۇرعىندارى بەلسەندٸ قاتىسىپ, قالانى جاقسارتۋ ٷشٸن ٶز يدەيالارىن ۇسىناتىن «حالىق قاتىساتىن بيۋدجەت» باعدارلاماسى بويىنشا جٷزەگە اسىرىلعان.
«بٸز حقب اياسىندا جوبالاردى ٸسكە اسىرۋعا جىل سايىنعى ليميتتٸ 17 ملرد تەڭگە دەڭگەيٸندە بەلگٸلەدٸك. سونداي - اق, بۇرىن ٸسكە اسىرىلعان حقب جوبالارىن ۇستاۋ ٷشٸن بٸرٸنشٸ رەت ەر اۋدانعا 200 ملن تەڭگەگە دەيٸن قاراجات بٶلٸنۋدە», - دەدٸ ەربولات دوساەۆ.
فوتو: الماتى ەكٸمدٸگٸ
باعدارلاما اياسىندا قالانىڭ قاراۋسىز قالعان اۋماقتارىنان جاڭا جاياۋ جٷرگٸنشٸلەر جەنە جاعالاۋ ايماقتارى, سكۆەرلەر, بالالار الاڭدارى مەن اباتتاندىرىلعان اۋلالار جاسالۋدا.
ەستەرٸڭٸزگە سالا كەتەيٸك, 2022 جىلدان باستاپ «حالىق قاتىساتىن بيۋدجەت» باعدارلاماسىن قارجىلاندىرۋ 2,6 ەسەگە ۇلعايدى, بەرٸلگەن جوبالار سانى 5,7 ەسەگە ٶستٸ, بۇل ازاماتتاردىڭ بەلسەندٸ قاتىسۋىن جەنە باعدارلامانى قالانى دامىتۋ قۇرالى رەتٸندە تيٸمدٸلٸگٸن كٶرسەتەدٸ.
2024 جىلى «حالىق قاتىساتىن بيۋدجەت» اياسىندا اۋدان ەكٸمدٸكتەرٸ 364 جوبانى ٸسكە اسىردى. كەلەسٸ جىلى الماتىدا 17 ملرد تەڭگەگە اباتتاندىرۋ بويىنشا 300-دەن استام جوبانى ٸسكە اسىرۋ جوسپارلانعان. جوبالاردىڭ باسىم بٶلٸگٸ الاتاۋ (50) جەنە المالى (45) اۋداندارىندا ٸسكە اسىرىلاتىن بولادى. ٸسكە اسىرۋعا رۇقسات ەتٸلگەن جوبالار تٸزٸمٸمەن budget.open-almaty.kz. سايتىندا تانىسۋعا بولادى.
فوتو: الماتى ەكٸمدٸگٸ
