جاپونييادا «حاگيبيس» داۋىلىنان قازا تاپقاندار سانى 80 ادامعا جەتتٸ, – دەپ حابارلايدى Kyodo اگەنتتٸگٸ.
«جاپونييادا اۋقىمدى سۋ تاسقىنىنا ۇشىراتقان «حاگيبيس» تايفۋنى سالدارىنان كٶز جۇمعان ادامداردىڭ سانى جەكسەنبٸ كٷنٸ 80-گە دەيٸن ٶستٸ. ٸزدەستٸرۋ جۇمىستارى ەلٸ جالعاسۋدا» دەلٸنگەن حابارلامادا.
سونداي-اق سۋ تاسقىنى مەن نٶسەر سالدارىنان ونداعان ادامنىڭ ٸز-تٷزسٸز جوعالعانى اتاپ ٶتٸلگەن. جاپونييانىڭ تابيعي اپاتتار مەن ٶرتتەردٸ جويۋ اگەنتتٸگٸنٸڭ دەرەكتەرٸنە قاراعاندا, سۇراپىل داۋىل سالدارىنان سۋ باسقان جەنە بٷلٸنگەن ٷيلەر سانى 56 مىڭ 753 بولىپ وتىر. بۇل ٶتكەن جىلى ەلدٸڭ باتىسىندا, 200 ادامنىڭ ٶمٸرٸن قيىپ كەتكەن نٶسەردەگٸ بٷلٸنگەن عيماراتتاردان 51 مىڭعا كٶپ.
ايتا كەتسەك, ٶتكەن اپتادا جاپونييانى جايپاپ ٶتكەن «حاگيبيس» تايفۋنى سوڭعى 60 جىلدىڭ ٸشٸندەگٸ ەڭ سۇراپىلى بولىپ وتىر.
