اقمولا وبلىسىندا حابار-وشارسىز كەتكەن 61 جاستاعى ەر ادامنىڭ دەنەسٸ تابىلدى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, بيىلعى ماۋسىمنىڭ 30-دا كٶكشەتاۋ قالالىق پوليتسييا باسقارماسىنىڭ كەزەكشٸ بٶلٸمٸنە قالا تۇرعىنى, 31 جاستاعى ەيەل حابارلاسىپ, 1960 جىلى تۋعان ەكەسٸ بولاتبەك قورعانبەكۇلى باتتالوۆتى ٸزدەپ تابۋعا كٶمەك سۇراعان.
ەر ادامدى ٸزدەۋ جۇمىسىنا كٶكشەتاۋ قالالىق پب جەكە قۇرامىنان 20 ادام, اقمولا وبلىستىق تجد جەكە قۇرامىنان 5 ادام, 15 ۆولونتەر, 40 كۋرسانت جەنە 8 تەحنيكا جۇمىلدىرىلدى.
تسەنترالنىي, ۆاسيلكوۆكا شاعىناۋدانىنداعى پەتەر يەلەرٸنەن سۇرالىپ, بەينەجازبا كامەرالارىنداعى جازبالار تەكسەرٸلدٸ.
«ٸزدەستٸرۋ جۇمىسىنىڭ نەتيجەسٸندە ەر ادامنىڭ دەنەسٸ 9 شٸلدە ساعات 10:00 شاماسىندا كٶكشەتاۋ قالاسىنان ەۋەجايعا بارار جولداعى ورمان القابىنان تابىلدى. قازٸرگٸ كەزدە سوت-مەديتسينالىق ساراپتاما تاعايىندالدى. وقيعانىڭ مەن-جايى انىقتالۋ ٷستٸندە», - دەدٸ ۆەدومستۆودان.
