Aqmola oblysynda habar-osharsyz ketken 61 jastaǵy er adamnyń denesi tabyldy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, biylǵy maýsymnyń 30-da Kókshetaý qalalyq politsiia basqarmasynyń kezekshi bólimine qala turǵyny, 31 jastaǵy áiel habarlasyp, 1960 jyly týǵan ákesi Bolatbek Qorǵanbekuly Battalovty izdep tabýǵa kómek suraǵan.
Er adamdy izdeý jumysyna Kókshetaý qalalyq PB jeke quramynan 20 adam, Aqmola oblystyq TJD jeke quramynan 5 adam, 15 volonter, 40 kýrsant jáne 8 tehnika jumyldyryldy.
Tsentralnyi, Vasilkovka shaǵynaýdanyndaǵy páter ielerinen suralyp, beinejazba kameralaryndaǵy jazbalar tekserildi.
«Izdestirý jumysynyń nátijesinde er adamnyń denesi 9 shilde saǵat 10:00 shamasynda Kókshetaý qalasynan áýejaiǵa barar joldaǵy orman alqabynan tabyldy. Qazirgi kezde sot-meditsinalyq saraptama taǵaiyndaldy. Oqiǵanyń mán-jaiy anyqtalý ústinde», - dedi vedomstvodan.
