سوڭعى اپتالاردا بالالار اراسىندا كوروناۆيرۋس جۇقتىرۋ جاعدايلارىنىڭ سانى ارتتى. بۇل تۋرالى «پەدياترييا جەنە بالالار حيرۋرگيياسى عىلىمي ورتالىعى» اق باسقارما تٶراعاسى ريزا بورانباەۆا ايتىپ بەردٸ, دەپ حابارلايدى قازاقپارات.
«سەۋٸر ايىنىڭ باسىنان بەرٸ 2 940 بالا اۋىرىپ قالدى. بۇل - 2 سەۋٸردەن باستالاتىن مەلٸمەتتەر. ال قازٸرگٸ ۋاقىتتا كوروناۆيرۋس ينفەكتسيياسى دياگنوزىمەن 275 بالا تٸركەلدٸ. ونىڭ 41-ٸ اۋرۋحاناعا جاتقىزىلدى. قالعانى ٷيدە ەمدەلٸپ جاتىر. سوڭعى اپتالاردا بالالاردا كوروناۆيرۋس اۋرۋىنىڭ ٶسۋٸ بايقالادى», - دەدٸ ريزا بورانباەۆا.
ونىڭ پٸكٸرٸنشە, اۋرۋ سانىنىڭ ٶسۋٸن كەزەكشٸ سىنىپتارمەن بايلانىستىرۋعا بولمايدى.
«سەبەبٸ, ناۋقاس 275 بالانىڭ 182-سٸ – مەكتەپ وقۋشىسى بولسا, 15-ٸ – بالاباقشاعا بارعان بالالار. ونىڭ ٸشٸندە 62 بالا كەزەكشٸ سىنىپتاردا وقىدى, سەيكەسٸنشە 120 بالا قاشىقتان وقىعان. ياعني, كەزەكشٸ سىنىپتاردا وقيتىن بالالار عانا ەمەس, قاشىقتان وقيتىن بالالار دا اۋىرىپ جاتىر. سونىمەن بٸرگە, ولاردىڭ اراسىندا مەكتەپ جاسىنا جەتپەگەن بالالار دا بار», - دەپ تٷسٸندٸردٸ دەرٸگەر.
سونداي-اق, دەرٸگەر بالالاردىڭ كوروناۆيرۋس ينفەكتسيياسىنىڭ اۋىر فورماسىمەن ەرەسەكتەرگە قاراعاندا سيرەك اۋىراتىنىن ەسكە سالدى.
«بالالار اراسىنداعى اۋرۋدىڭ ٶز ەرەكشەلٸكتەرٸ بولادى, كٶپ جاعدايدا بالالار سيمپتومسىز نەمەسە جەڭٸل تٷردە اۋىرادى. مەسەلەن, قازٸر بالالاردىڭ 86% سيمپتومسىز نەمەسە جەڭٸل فورمادا اۋىرىپ جاتىر. اۋىر سىرقات تٷرلەرٸ بالالاردىڭ جاسىندا ٶتە سيرەك – وعان نەگٸزٸنەن سوزىلمالى پاتولوگيياسى بار بالالار عانا شالدىعادى», - دەپ قورىتىندىلادى ريزا بورانباەۆا.
ايتا كەتەيٸك, ٶتكەن تەۋلٸكتە كوروناۆيرۋس ينفەكتسيياسى بەلگٸلەرٸ بار پنەۆمونييانىڭ 10 جاعدايى جەنە 1 ٶلٸم جاعدايى تٸركەلدٸ. وعان قوسا 17 ادام ەمدەلٸپ شىقتى.
1 تامىزدان بەرگٸ ستاتيستيكا: اۋىرعاندار - 36 931, 395 ٶلٸم جاعدايى تٸركەلدٸ, ال جازىلىپ شىققانداردىڭ سانى 28 548 جەتتٸ.
