“كەزدەسەمٸز” دەپ الداپ, اقشا العان: ەلوردادا ٷش قىزدىڭ الاياقتىق سحەماسى ەشكەرەلەندٸ

فوتو: اشىق دەرەككٶز

استانادا تانىسۋ سايتتارى ارقىلى ەر ادامداردى الداپ, اقشا جيناعان ٷش قىزعا قاتىستى سوت ٷكٸمٸ شىقتى. بۇل تۋرالى قالا پروكۋراتۋراسى حابارلادى.

تەرگەۋ مەلٸمەتٸنشە, كٷدٸكتٸلەر ينتەرنەتتەگٸ تانىسۋ پلاتفورمالارى ارقىلى ەر ادامدارمەن بايلانىس ورناتىپ, ولاردى «رومانتيكالىق كەزدەسۋ» ٶتكٸزۋگە كٶندٸرگەن. كەيٸن جالعا الىنعان پەتەردە بٸرگە ۋاقىت ٶتكٸزۋدٸ ۇسىنىپ, پەتەردٸ بٸر تەۋلٸككە جالعا الۋ قاجەت ەكەنٸن ايتقان.

وسى ماقساتتا ولار ينتەرنەتتە پەتەر جالعا بەرۋ تۋرالى جالعان حابارلاندىرۋلار ورنالاستىرىپ, تارتىمدى ينتەرەر فوتوسۋرەتتەرٸن جارييالاعان. جەبٸرلەنۋشٸلەر كٶرسەتٸلگەن ەسەپشوتتارعا الدىن الا اقشا اۋدارعان.

الاياقتىق سحەما سالدارىنان 45-تەن استام ادام جەبٸرلەنٸپ, جالپى شامامەن 620 مىڭ تەڭگە شىعىن كەلتٸرٸلگەن.

اقشانى العاننان كەيٸن كٷدٸكتٸلەر جەبٸرلەنۋشٸلەرمەن بايلانىسىن ٷزٸپ, ولاردىڭ نٶمٸرلەرٸن بۇعاتتاپ وتىرعان.

سوت ٷكٸمٸمەن ايىپتالۋشىلاردىڭ كٸنەسٸن مويىنداۋى جەنە كەلتٸرٸلگەن زالالدى ٶتەۋٸ ەسكەرٸلدٸ. نەتيجەسٸندە ٷش قىزعا 3 جىلدان 3 جىل 6 ايعا دەيٸن باس بوستاندىعىن شەكتەۋ جازاسى تاعايىندالىپ, پروباتسييالىق باقىلاۋ بەلگٸلەندٸ. سونداي-اق ولار مەجبٷرلٸ ەڭبەككە تارتىلدى.

ٷكٸم زاڭدى كٷشٸنە ەندٸ.

قالا پروكۋراتۋراسى ازاماتتارعا ينتەرنەت ارقىلى كەلٸسٸم جاساردا ساق بولۋدى, اقپاراتتى الدىن الا تەكسەرمەي قارجى اۋدارماۋدى ەسكەرتەدٸ.

ايتا كەتەيٸك, بۇعان دەيٸن باس پروكۋراتۋرا 8 ناۋرىز قارساڭىندا ينتەرنەت-الاياقتىق فاكتٸلەرٸ جيٸلەيتٸنٸن ەسكەرتكەن بولاتىن.