فوتو: primeminister.kz
پرەمەر-مينيستر ەليحان سمايىلوۆتىڭ تٶراعالىعىمەن ٶتكەن جاڭا جىلداعى بٸرٸنشٸ ٷكٸمەت وتىرىسىندا قازاقستانداعى قازٸرگٸ سانيتارييالىق-ەپيدەميولوگييالىق احۋال قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
دەنساۋلىق ساقتاۋ مينيسترٸ اجار عينيياتتىڭ ايتۋىنشا, 2023 جىلدىڭ قورىتىندىسى بويىنشا جۇقپالى اۋرۋلار بويىنشا ەپيدەميولوگييالىق احۋال تۇراقتى بولىپ قالدى. الدىن الۋ شارالارىنىڭ ارقاسىندا 20 اسا قاۋٸپتٸ جۇقپالى اۋرۋ تٸركەلگەن جوق, ولاردىڭ اراسىندا وبا, تىرىسقاق جەنە پوليوميەليت بار. سونداي-اق 39 ينفەكتسييا بويىنشا, ونىڭ ٸشٸندە كوروناۆيرۋس, روتاۆيرۋس جەنە جٸتٸ ٸشەك ينفەكتسييالارى بويىنشا سىرقاتتانۋشىلىق تٶمەندەدٸ.
قازٸرگٸ ۋاقىتتا جٸتٸ رەسپيراتورلىق ينفەكتسييالارمەن سىرقاتتانۋدىڭ كەزەكتٸ ماۋسىمى جٷرٸپ جاتىر, ول جىل سايىن قازاننان مامىرعا دەيٸن سوزىلادى. الدىن الۋ ماقساتىندا ٶتكەن جىلى قاۋٸپ-قاتەر توبىنا جاتاتىن 2,4 ملن ادام تۇماۋعا قارسى ەكپە الدى, بۇل حالىقتىڭ 12%-ىن قۇرايدى. بۇل رەتتە ددسۇ ۇسىناتىن دەڭگەي كەمٸندە 10%-دى قۇرايدى.
جالپى ەپيدەميولوگييالىق ماۋسىم باستالعالى بەرٸ ستاتسيونارلاردا 31 مىڭنان استام ناۋقاس ەمدەلدٸ, 2 ملن-نان استام ناۋقاس امبۋلاتورييالىق ەم الدى. ەل بويىنشا بارلىعى 10 مىڭعا جۋىق ينفەكتسييالىق تٶسەك-ورىن قويىلدى, ولاردىڭ ٸشٸندە بالالار ٷشٸن شامامەن 3 مىڭ تٶسەك-ورىن قاراستىرىلعان.
COVID-19 پاندەميياسىنىڭ اياقتالۋىنا قاراماستان, تيٸستٸ باقىلاۋ جالعاسىپ جاتىر. قازاقستاندا كوروناۆيرۋستىق ينفەكتسييا بويىنشا جاعداي تۇراقتى. سوڭعى جارتى جىلدا اي سايىن 100-دەن 400-گە دەيٸن جاعداي تٸركەلگەن, بۇل كوروناۆيرۋستىڭ جىل بويى تارالاتىنىن راستايدى.
2023 جىلدىڭ سوڭىندا ەلدە 29 مىڭنان استام قىزىلشا جۇقتىرۋ جاعدايى تٸركەلدٸ, ونىڭ 80%-ى 14 جاسقا دەيٸنگٸ بالالارعا تيەسٸلٸ. 1 قاڭتاردان باستاپ 1 674 قىزىلشامەن سىرقاتتانۋشىلىق تٸركەلدٸ. جاعدايدى تۇراقتاندىرۋ ٷشٸن ٶتكەن جىلى جوسپار بويىنشا ۆاكتسينالاۋ جٷرگٸزٸلدٸ, نەتيجەسٸندە التى جاسقا دەيٸنگٸ 700 مىڭعا جۋىق بالا ەكپە الدى.
وعان قوسا ٷكٸمەت رەزەرۆٸنەن قاراجات بٶلٸنٸپ, قىزىلشاعا, قىزامىققا جەنە پاروتيتكە قارسى 1,5 ملن دوزا ۆاكتسينا ساتىپ الىندى. بٷگٸنگٸ تاڭدا قوسىمشا ۆاكتسينالاۋ اياسىندا 930 مىڭنان استام ادام ەكپە الدى, كٷن سايىن 20 مىڭنان استام ادام ۆاكتسينا الۋدا.
ٶڭٸرلەردە قىزىلشاعا قارسى يممۋنيزاتسييانى كٷشەيتۋ جٶنٸندەگٸ شارالار تۋرالى قاراعاندى وبلىسىنىڭ ەكٸمٸ ەرماعانبەت بٶلەكپاەۆ پەن قوستاناي وبلىسىنىڭ ەكٸمٸ قۇمار اقساقالوۆ ايتىپ بەردٸ.
پرەمەر-مينيستر مونيتورينگ قورىتىندىسى بويىنشا ٶتكەن جىلى ەڭ قاۋٸپتٸ ينفەكتسييالارمەن اۋىرعان ناۋقاستار تٸركەلمەگەنٸن ايتتى. بۇل رەتتە كەڭ تارالعان ۆيرۋستىق ينفەكتسييالار بويىنشا دا كٶرسەتكٸشتەر تٶمەندەدٸ.
«تەك ٶتكەن جىلدان بەرٸ ەلٸمٸزدە قىزىلشامەن اۋىرعاندار سانى ايتارلىقتاي ٶسٸپ كەتتٸ. ول سوڭعى 10 جىلدا بولماعان كٶرسەتكٸشكە جەتٸپ وتىر. ولاردىڭ 80%-عا جۋىعى – 14 جاسقا دەيٸنگٸ بالالار. اۋىرعانداردىڭ كٶپشٸلٸگٸ – تيٸستٸ ەكپە الماعاندار», — دەدٸ ەليحان سمايىلوۆ.
سونىمەن قاتار ٷكٸمەت باسشىسى ەكپە الماعان ناۋقاستاردىڭ اۋرۋى اسقىنىپ كەتۋ قاۋپٸ جوعارى ەكەنٸن ايتتى. دەگەنمەن اتا-انالاردىڭ اراسىندا بالالارىنا ەكپەنٸ ەدەيٸ سالعىزباي, باس تارتىپ وتىرعانداردىڭ قاتارى از ەمەس, مۇنىڭ سوڭى اۋىر زارداپتارعا الىپ كەلۋٸ مٷمكٸن.
«جاعدايدى تۇراقتاندىرۋدىڭ جالعىز جولى – ەكپە سالۋ. قىزىلشاعا قارسى جاپپاي يممۋنيزاتسييا جٷرگٸزۋ ٷشٸن قوسىمشا 1,5 ملن دوزا ۆاكتسينا ساتىپ الىندى. وسى ماقساتتار ٷشٸن ٷكٸمەت ٶتكەن جىلدىڭ قىركٷيەك ايىندا رەزەرۆتەن 3 ملرد تەڭگەدەن استام قاراجات بٶلدٸ. الايدا, كٶرٸپ وتىرعانىمىزداي, كەيبٸر ٶڭٸرلەردە قىزىلشاعا قارسى يممۋنيزاتسييامەن قامتۋ دەڭگەيٸ ەلٸ دە تٶمەن», — دەدٸ پرەمەر-مينيستر.
وسىعان بايلانىستى ەليحان سمايىلوۆ قىزىلشاعا قارسى ۆاكتسينالاۋ جۇمىستارىن كٷشەيتۋدٸ, سونداي-اق باسقا دا پروفيلاكتيكالىق ەكپەلەرمەن ۆاكتسينالاۋدى جانداندىرۋدى تاپسىردى.
«جول قاتىناسى قيىن جەنە شالعايداعى اۋىل تۇرعىندارىن ۆاكتسينالاۋ ٷشٸن جاعداي جاساۋ كەرەك», — دەدٸ ٷكٸمەت باسشىسى.
سونداي-اق ٷكٸمەت باسشىسى مەديتسينا قىزمەتكەرلەرٸنٸڭ جاۋاپكەرشٸلٸگٸن ارتتىرا وتىرىپ, ەسٸرەسە اۋىلدىق جەرلەرگە جەتكٸزۋ كەزٸندە ۆاكتسينالاردى ساقتاۋ مەن تاسىمالداۋدىڭ تيٸستٸ رەجيمٸن قامتاماسىز ەتۋ قاجەتتٸگٸن ايتتى.
«باسپاسٶزدە جەنە ەلەۋمەتتٸك جەلٸلەردە ۆاكتسيناتسيياعا قاتىستى ەدەيٸ جالعان اقپاراتتىڭ تارالۋىنا مونيتورينگ جٷرگٸزٸپ, ولاردىڭ الدىن الۋ كەرەك. ۋچاسكەلٸك دەڭگەيدەگٸ مەديتسينا قىزمەتكەرلەرٸ اتا-انالارعا پروفيلاكتيكالىق ەكپەنٸڭ بالالار ٷشٸن ماڭىزدىلىعى مەن قاۋٸپسٸزدٸگٸ تۋرالى تٷسٸندٸرۋ جۇمىستارىن جٷرگٸزۋٸ تيٸس», — دەپ تٷيٸندەدٸ پرەمەر-مينيستر.
