كەيبٸر ٶڭٸرلەردە قارانتين شارالارىن جەڭٸلدەتۋ كوروناۆيرۋسپەن اۋىرعاندار سانىنىڭ كٶبەيۋٸنە سەبەپ بولعان. قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتكەن كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ كەزەكتٸ وتىرىسىندا ەلجان بٸرتانوۆ وسىلاي دەدٸ.
بۇل تۋرالى قر ٷكٸمەتٸنٸڭ باسپاسٶز قىزمەتٸ حابارلادى.
دەنساۋلىق ساقتاۋ مينيسترٸ ەلجان بٸرتانوۆ ٶز بايانداماسىندا كەيبٸر ٶڭٸرلەردە قارانتين شارالارىن جەڭٸلدەتۋ كوروناۆيرۋسپەن اۋىرعاندار سانىنىڭ كٶبەيۋٸنە سەبەپ بولعانىن اتاپ ٶتتٸ.
وسىعان وراي كەي ٶڭٸرلەردە شەكتەۋ شارالارى كٷشەيتٸلمەك.
پرەمەر-مينيستردٸڭ ورىنباسارى ەرالى توعجانوۆ باتىس قازاقستان, قىزىلوردا, ماڭعىستاۋ وبلىستارى ەكٸمدٸكتەرٸنە ٶڭٸر بويىنشا سانيتارلىق-ەپيدەميولوگييالىق تالاپتاردىڭ ورىندالۋىنا باقىلاۋدى كٷشەيتۋدٸ, ونىڭ ٸشٸندە شەكتەۋ شارالارىن كٷشەيتۋ مٷمكٸندٸگٸن قاراستىرۋدى تاپسىردى.
«ٶڭٸر ەكٸمدٸكتەرٸ سانيتارلىق-ەپيدەميولوگييالىق تالاپتاردىڭ ورىندالۋىن قاتاڭ باقىلاۋدا ۇستاۋى تيٸس. تالاپتاردى ورىنداماعان بيزنەس سۋبەكتٸلەرٸنٸڭ قىزمەتٸن انىقتالعان كەمشٸلٸكتەردٸ ورنىنا كەلتٸرگەنشە ۋاقىتشا توقتاتۋ قاجەت. بۇل شارالار ازاماتتارىمىزدىڭ قاۋٸپسٸزدٸگٸن قامتاماسىز ەتۋ ٷشٸن اسا ماڭىزدى», — دەدٸ ە. توعجانوۆ.
