ەلوردادا ٶزٸن ٸرٸ بيزنەسمەن رەتٸندە كٶرسەتٸپ, قىمبات ۇيالى تەلەفون ساتۋشىلارىن الداپ كەلگەن 28 جاستاعى جٸگٸت ۇستالدى, دەپ حابارلايدى "ۇلت اقپارات".
«ول ينتەرنەت-سايتتاردا ۇيالى تەلەفونداردىڭ ەڭ جاڭا ٷلگٸسٸن ساتاتىنداردى كٶزدەگەن. كٷدٸكتٸ ٶزٸن قالتالى ساتىپ الۋشى رەتٸندە كٶرسەتٸپ, كەزدەسۋدٸ كەڭسەسٸندە ٶتكٸزۋ تۋرالى كەلٸسٸپ وتىرعان. ال كەڭسەلەردٸ ينتەرنەتتەگٸ جارنامالار ارقىلى تاپقان. ونى جالعا الاتىن بولىپ, كەڭسە مەكەنجايىنا كەلگەن. سول ۋاقىتقا ۇيالى تەلەفون ساتۋشىسىن دا كەزدەسۋگە شاقىرعان. كەڭسەدە الاياق جەبٸرلەنۋشٸلەردٸڭ سەنٸمٸنە كٸرٸپ, ٶزٸنٸڭ سەتتٸ بيزنەسٸ تۋرالى ەرتەگٸگە سەندٸرٸپ, ۇيالى تەلەفون ساتىپ الۋعا دايىن ەكەنٸن ايتقان», - دەپ حابارلايدى قالالىق پوليتسييا دەپارتامەنتٸنەن.
ساتۋشى ەلگٸنٸڭ قولىنا ۇيالى تەلەفونىن بەرگەننەن كەيٸن, ەر ادام اقشانى الىپ كەلۋ ٷشٸن كابينەتٸنە كەتكەن بولىپ, ٸزٸن سۋىتىپ وتىرعان. ەش كٷدٸكتەنبەگەن ساتۋشى سول كٷيٸ كەڭسەدە كٷتٸپ قالا بەرەدٸ. الدانعانىن كەيٸن عانا تٷسٸنگەن.
قازٸرگٸ ۋاقىتتا جاس جٸگٸت ۇستالىپ, ۋاقىتشا وقشاۋلاعىشقا قامالعان. الاياقتىق فاكتٸسٸ بويىنشا, سوتقا دەيٸنگٸ تەرگەۋ امالدارى باستالدى. ونىڭ دەل وسىنداي 15 جاعدايعا قاتىسىنىڭ بار-جوعى انىقتالۋدا. الدانعان ازاماتتاردىڭ سانى ودان دا كٶپ بولۋى ەبدەن مٷمكٸن.
پوليتسييا مۇنداي الاياقتىقتىڭ قۇربانى بولعان ازاماتتاردى71-62-91, 71-63-35, 8-747-620-57-93, 8-702-482-22-78 نەمەسە 102 نٶمٸرٸنە حابارلاسۋدى سۇرايدى.
