فوتو: 2gis.kz
مەجٸلٸس دەپۋتاتى ماقسات تولىقباي ەلەۋمەتتٸك جەلٸدەگٸ پاراقشاسىندا قازٸرگٸ ۋاقىتتاعى ەڭ ٶزەكتٸ مەسەلەلەردٸڭ بٸرٸ - تۇرعىن ٷي تاقىرىبىنا توقتالدى, دەپ حابارلايدى "ۇلت اقپارات".
"ايتايىن دەگەنٸم, تۇرعىندار ساتىپ الۋ قۇقىعىنسىز جالعا بەرٸلگەن تۇرعىن ٷيلەردٸ جەكەشەلەندٸرۋ مەسەلەسٸن جيٸ كٶتەرەدٸ. راسىندا, ارەندالىق ٷيلەردٸڭ سانى كەمٸندە 40 مىڭنان اسادى.
دەپۋتاتتاردىڭ باستاماسىمەن بۇل مەسەلە شەشٸمٸن تاۋىپ وتىر. قازٸر “تۇرعىن ٷي ساياساتى تۋرالى” زاڭ جوباسىن جان-جاقتى تالقىلاپ جاتىرمىز جەنە بۇل زاڭدى بٸزدٸڭ كوميتەت جٷرگٸزەدٸ (ەكونوميكالىق رەفورما جەنە ٶڭٸرلٸك دامۋ كوميتەتٸ).
جالپى, رەسپۋبليكا بويىنشا تۇرعىن ٷي كەزەگٸندە تۇرعانداردىڭ سانى 640 مىڭنان اسادى" - دەپ جازدى دەپۋتات.
ونىڭ ايتۋىنشا, 2023 جىلى كەزەكتە تۇرعان 8209 ادام پەتەرلٸ بولدى. سوندىقتان ٷي ەسٸرەسە ايماقتاردا كٶپتەپ سالىنۋعا تيٸس.
"پرەزيدەنتتٸڭ تاپسىرماسىمەن 2029 جىلدىڭ سوڭىنا دەيٸن 111 ملن شارشى مەتر تۇرعىن ٷي سالۋ بويىنشا كەشەندٸ شارالار قابىلداندى.
تۇرعىن ٷي-كوممۋنالدىق ينفراقۇرىلىمدى دامىتۋدىڭ 2023-2029 جىلدارعا ارنالعان تۇجىرىمداماسى بەكٸتٸلدٸ, ونىڭ شەڭبەرٸندە مۇقتاج ازاماتتاردىڭ تۇرعىن ٷي مەسەلەلەرٸن شەشۋ ٷشٸن مەملەكەتتٸك باعدارلامالار ٸسكە قوسىلدى. “7-20-25” يپوتەكالىق باعدارلاماسى 2029 جىلعا دەيٸن ۇزارتىلدى, ونى ٸسكە اسىرۋعا جىل سايىن شامامەن 100 ملرد تەڭگە كٶزدەلگەن. سونداي-اق, كەلەسٸ جىلى ٷي كەزەگٸنە تۇرۋدىڭ بٸرىڭعاي بازاسى جاسالادى.
ٷلەسكەرلەردٸڭ دە مەسەلەسٸ ٶزەكتٸ. قۇرىلىس كومپانييالارىنا قويىلاتىن تالاپتى دا قاتاڭداتامىز. قازٸر قۇرىلىس كودەكسٸ ەزٸرلەنٸپ جاتىر" - دەپ جازدى ماقسات تولىقباي.
