فوتو: turantimes.kz
اتىراۋدا جايىق ٶزەنٸنە باتىپ قازا بولعان 14 جاستاعى مەرلان سانانىڭ ٸسٸ قوعام نازارىن اۋداردى. مارقۇمنىڭ وتباسى ٸستٸڭ قىسقارتىلۋىنا كەلٸسپەي, باس پروكۋراتۋرادان ونى قايتا قاراپ, قاساقانا ەرەكەت رەتٸندە تەرگەۋدٸ تالاپ ەتٸپ وتىر, دەپ حابارلايدى Ult.kz ينفورمبيۋرو باعدارلاماسىنا سٸلتەمە جاساپ.
اناسىنىڭ ايتۋىنشا, تەرگەۋ بارىسىندا ٸس 104-باپ (ابايسىزدا قازاعا ۇشىراتۋ) بويىنشا قارالىپ, كەيٸن كٷدٸكتٸ جاسٶسپٸرٸمنٸڭ قىلمىستىق جاۋاپكەرشٸلٸك جاسىنا جەتپەگەنٸنە بايلانىستى توقتاتىلعان.
جەبٸرلەنۋشٸ تاراپ بۇل شەشٸممەن كەلٸسپەيدٸ. ولار بالانىڭ سۋعا ەدەيٸ يتەرٸلگەنٸن العا تارتىپ, ٸستٸ 99-باپ (ادام ٶلتٸرۋ) بويىنشا قايتا سارالاۋدى سۇرايدى.
وتباسى كٷدٸكتٸلەر تاراپىنان مارقۇمنىڭ ەپكەسٸنە دە قوقان-لوقى كٶرسەتٸلگەنٸن ايتادى. «كەلەسٸ كەزەك سەنٸكٸ» دەگەن سٶزدەر ايتىلعانى جٶنٸندە شاعىم بار.
پوليتسييا دەپارتامەنتٸ ٸستٸڭ توقتاتىلۋىن كٷدٸكتٸنٸڭ جاسىنا جەنە تەرگەۋ نەتيجەلەرٸنە بايلانىستى دەپ تٷسٸندٸردٸ. ٸستٸ قايتا قاراۋ تۋرالى شەشٸمدٸ پروكۋراتۋرا قابىلدايدى.
