Foto: turantimes.kz
Atyraýda Jaiyq ózenine batyp qaza bolǵan 14 jastaǵy Merlan Sananyń isi qoǵam nazaryn aýdardy. Marqumnyń otbasy istiń qysqartylýyna kelispei, Bas prokýratýradan ony qaita qarap, qasaqana áreket retinde tergeýdi talap etip otyr, dep habarlaidy Ult.kz Informbiýro baǵdarlamasyna silteme jasap.
Anasynyń aitýynsha, tergeý barysynda is 104-bap (abaisyzda qazaǵa ushyratý) boiynsha qaralyp, keiin kúdikti jasóspirimniń qylmystyq jaýapkershilik jasyna jetpegenine bailanysty toqtatylǵan.
Jábirlenýshi tarap bul sheshimmen kelispeidi. Olar balanyń sýǵa ádeii iterilgenin alǵa tartyp, isti 99-bap (adam óltirý) boiynsha qaita saralaýdy suraidy.
Otbasy kúdiktiler tarapynan marqumnyń ápkesine de qoqan-loqy kórsetilgenin aitady. «Kelesi kezek seniki» degen sózder aitylǵany jóninde shaǵym bar.
Politsiia departamenti istiń toqtatylýyn kúdiktiniń jasyna jáne tergeý nátijelerine bailanysty dep túsindirdi. Isti qaita qaraý týraly sheshimdi prokýratýra qabyldaidy.
