قازاقستاندا كەدەن قىزمەتٸندەگٸ بارلىق پروبلەما تٷبەگەيلٸ شەشٸلدٸ دەۋگە ەزٸرگە نەگٸز جوق, دەپ حابارلايدى قازاقپارات.
بۇل جايىندا مەملەكەتتٸك حاتشى قىرىمبەك كٶشەرباەۆتىڭ تٶراعالىعىمەن ٶتكەن قر پرەزيدەنتٸ جانىنداعى سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كوميسسييانىڭ وتىرىسىندا بەلگٸلٸ بولد
مەملەكەتتٸك حاتشى تەۋەلسٸزدٸك العاننان بەرٸ قازاقستاننىڭ تۇڭعىش پرەزيدەنتٸ – ەلباسى ن.ە.نازارباەۆ كەدەن قىزمەتٸن مەملەكەت قۇرۋ ٸسٸندەگٸ ماڭىزدى سالالاردىڭ بٸرٸ رەتٸندە ەرەكشە كٶڭٸل بٶلگەنٸن اتاپ ٶتتٸ.
سودان بەرگٸ ۋاقىتتا زاڭنامالىق جەنە ۇيىمداستىرۋ تۇرعىسىندا قىرۋار جۇمىس اتقارىلدى, زاماناۋي كەدەندٸك ينفراقۇرىلىم جاسالدى.
دەگەنمەن, اتالعان سالادا ايتارلىقتاي دامۋ بولعانىمەن, كەدەن قىزمەتٸندەگٸ بارلىق پروبلەما تٷبەگەيلٸ شەشٸلدٸ دەي المايمىز.
وسى ورايدا مەملەكەت باسشىسى قاسىم-جومارت كەمەلۇلى توقاەۆ كەدەندٸك جٷيەنٸڭ تيٸمدٸلٸگٸن ارتتىرىپ, ودان تٷسەتٸن تابىستى كٶبەيتۋدٸ تاپسىردى.
كەدەن سالاسىن جەتٸلدٸرۋ ماقساتىندا ەلەكتروندى دەكلاراتسييا تاپسىرۋ جۇمىسى جەتٸلدٸرٸلدٸ, تەۋەكەلدەردٸ باسقارۋ جٷيەسٸ ەنگٸزٸلدٸ, باسقا ورگانداردىڭ اقپارات جٷيەلەرٸمەن ينتەگراتسييا ورناتىلىپ, قۇجات الماسۋ, ۇيىمداستىرۋ ٸسٸ جولعا قويىلدى.
كەدەن سالاسىنا قاتىستى زاڭنامانى جەتٸلدٸرۋ باعىتىندا مەملەكەت شەكاراسىندا زاڭسىز ساۋدا اينالىمىنا قارسى ٸس-قيمىلدىڭ كەشەندٸ جوسپارى قابىلدانىپ, كٶلەڭكەلٸ ەكونوميكاعا قارسى ٸس-قيمىل جٶنٸندەگٸ 2021-2023 جىلدارعا ارنالعان كەشەندٸ ٸس-شارالار جوسپارىنىڭ جوباسى ەزٸرلەندٸ.
سىبايلاس جەمقورلىققا قارسى, قارجىلىق مونيتورينگ اگەنتتٸكتەرٸنٸڭ, باس پروكۋراتۋرانىڭ, «اتامەكەن» ۇلتتىق كەسٸپكەرلەر پالاتاسىنىڭ, قارجى مينيسترلٸگٸنٸڭ باسشىلارى اتالعان سالاداعى سىبايلاس جەمقورلىق جەنە باسقا دا زاڭ بۇزۋشىلىق ەرەكەتتەردٸ انىقتاۋ جٶنٸندە, كٸنەلٸلەردٸ زاڭدا بەلگٸلەنگەن تەرتٸپپەن جاۋاپقا تارتۋ باعىتىندا قابىلدانىپ جاتقان شارالار جايىندا باياندادى.
سونىمەن قاتار وتىرىس بارىسىندا كەدەندٸك پروتسەستەردٸ تسيفرلاندىرۋ, بيۋدجەت كٸرٸسٸن ارتتىرۋ, اتالعان سالاداعى سىبايلاس جەمقورلىقتىڭ سەبەبٸ مەن سالدارى سەكٸلدٸ مەسەلەلەر تالقىلاندى.
كوميسسييادا پرەزيدەنتتٸڭ كٶمەكشٸسٸ – قاۋٸپسٸزدٸك كەڭەسٸنٸڭ حاتشىسى ەسەت يسەكەشەۆ كەدەندٸك باقىلاۋ ٸسٸن ٶز دەڭگەيٸندە ۇيىمداستىرۋ جەنە سالا جۇمىسىن جاقسارتۋ جٶنٸندەگٸ ۇسىنىستارىن ورتاعا سالدى.
جيىندا حالىقارالىق تەجٸريبەدەگٸ كەدەندٸك باسقارۋ ٸسٸنە ەنگٸزٸلٸپ جاتقان وزىق تەحنولوگييالار, ونىڭ ٸشٸندە, سىرتقى ەكونوميكالىق قىزمەتكە جۇمىلدىرىلعان دەرەكقورلاردى تسيفرلاندىرۋ مەن پرواكتيۆتٸ ينتەگراتسييالاۋ مەسەلەلەرٸ كٶتەرٸلدٸ.
كوميسسييا وتىرىسىندا كەدەن سالاسىنداعى ەكونوميكالىق ٶسٸمنٸڭ تٶمەندەۋٸنە جەنە زاڭدى كەسٸپكەرلٸك قىزمەتٸنە جيٸ كەدەرگٸ كەلتٸرەتٸن كەمشٸلٸكتەردٸ جويۋ مەسەلەسٸنە مەن بەرٸلدٸ. مۇنى شەشۋ ٷشٸن كەدەن قىزمەتٸ مەن كەسٸپكەرلەر اراسىنداعى ٶزارا ٸس-قيمىل تەتٸكتەرٸن ەزٸرلەۋ, سونداي-اق, كەدەندٸك قۇقىق بۇزۋشىلىقتارعا ىقپال ەتەتٸن جاۋاپسىز قىزمەتكەرلەردٸ انىقتاۋ, قۇقىق قورعاۋ قىزمەتٸنٸڭ تيٸمدٸلٸگٸن ارتتىرۋ تۋرالى ۇسىنىستار ايتىلدى.
جيىن قورىتىندىسى بويىنشا ناقتى ۇسىنىستار ەزٸرلەنٸپ, ونى ورىنداۋ قارجى مينيسترلٸگٸنە, تيٸستٸ مەملەكەتتٸك ورگاندارعا تاپسىرىلدى.
كوميسسييا وتىرىسىنىڭ سوڭىندا قر مەملەكەتتٸك حاتشىسى قىرىمبەك كٶشەرباەۆ كٷن تەرتٸبٸندە قارالعان مەسەلەگە قاتىستى ناقتى تاپسىرمالار بەرٸپ, ونىڭ ورىندالۋى قاتاڭ باقىلاۋدا بولاتىنىن مەلٸمدەدٸ.
